Спортски Вести

Победа за Вардар, пораз на Металург на стартот на турнирот „Вардар 2015“

Македонскиот ракометен шампион Вардар стартуваше со победа на турнирот што синоќа почна во Скопје. Вардар во натпреварот од 1.коло го победи хрватскиот тим Нексе со 36:26 (20:10). „Црвено-црните“ одлично го почнаа дуелот и на крајот постигнаа двоцифрена победа. Новиот играч Александар Деревен со 6 голови беше најефикасен, додека по 5 постигнаа Игор Карачиќ и Тимур Дибиров.

На дуелот од групата Б македонскиот претставник Металург загуби од првакот на Шведска Кристаијанштад со 28:21 (17:12). Јанко Божовиќ и Марко Матиќ кај Металург беа најефикасни со по 5 голови.

Турнирот за отворен го прогласи градоначалникот на Скопје Коце Трајановски.

- Ми причинува задоволство што во нашиот град се одржува еден врвен турнир со силни екипи. Честитки за Вардар и за машкиот и за женскиот клуб и им посакувам уште многу години да го организираат овој турнир, а на гледачите им порачувам да дојдат и да не ги пропуштат врвните натпревари, изјави Трајановски.

Ова е прво издание на турнирот „Вардар", а посветено е на првиот роденден на СЦ „Јане Сандански" и хотел „Русија".

25.08.2015
Музички времеплов
  • 1998 - Five се искачуваат на првото место на британската албумска листа со дебито 'Five The Album'. Slam Dunk Da Funk
  • 1969 - Пред 250.000 обожаватели, Rolling Stones одржуваат бесплатен концерт во лондонскиот Hyde Park во чест на Brian Jones кој умрел два дена претходно.
  • 1975 - Carpenters се искачуваат на првото место на британската албумска листа со 'Horizon'. Please Mr Postman
  • 1999 - Eurythmics најавуваат нова светска турнеја по 10 години од која профитот ќе биде даден во добротворни цели.
  • 1954 - Elvis Presley за првпат е во студио за снимање. За време на паузата од чиста разонода ја пеел 'That's All Right'. Продуцентот Sam Phillips побарал да ја повтори изведбата и ја снимил. Тоа ќе стане прв сингл на Presley.
  • Повеќе
Фреквенции
Скопје