Антена 5 Вести

Познат победникот на Critic’s Choice

Објавен е победникот на Critic’s Choice наградата во рамките на Британските музички награди 2019. Тоа е Sam Fender.

Тој ја добива наградата во значаен момент за неговата кариера. Во последните месеци беше зафатен со турнеја низ Британија и Европа, полека градејќи ја својата армија на лојални фанови. Овој млад музичар со база во Њукасл неодамна го издаде и своето деби  EP, “Dead Boys”.

За Critic’s Choice наградата годинава беа номинирани уште Lewis Capaldi и Mahalia. Наградата им се доделува на талентирани музичари на кои им се предвидува успех во  годината која претстои, а во која треба да го издадат својот деби албум. За победникот гласа специјален експертски тим составен од музички уредници во поголемите британски весници, музичките и лајф списанија и музичките веб сајтови, како и главните луѓе од големите ТВ и радио станици.

Претходни добитници на Critic’s Choice наградата се Adele, Florence + The Machine, Emeli Sande, Sam Smith, Rag’n’Bone Man и Jorja Smith.

Номинациите за Британските музички награди 2019 ќе бидат објавени на 12 јануари, а новото издание на наградите ќе се одржи на 20 февруари во лондонската Арена.

28.12.2018
Музички времеплов
  • 1963 - Stevie Wonder станува прв изведувач со истовремено бр.1 албум и сингл во САД. Wonder на првото место е на албумската листа со 'Little Stevie Wonder / The 12 Year Old Genius' и истоврмеено на синглската со 'Fingertips part 2'. Ова воедно е прва снимка во живо што се искачува на првото место.
  • 1956 - Роден е Matt Aitken, дел од продукцискиот тим Stock, Aitken и Waterman. Продуцирале над 10 британски бр.1 хитови.
  • 1974 - USА No.1 Paul Anka & Odia Coates '(You're Having My Baby)'
  • 1981 - Mark Chapman добива 20 години затвор поради убисво на John Lennon.
  • 1979 - B.B. King свири во Roxy Club во Лос Анџелес како прослава на 30 годишната кариера.
  • Повеќе
Фреквенции
Скопје