Антена 5 Вести

Halsey, Mabel, Ava Max со настапи на MTV EMA

Halsey, Ava Max, Mabel, Akon, Becky G и Rosalia се првите изведувачи најавени за MTV европските музички награди, глобалното музичко шоу кое ќе биде одржано на 3 ноември во Севиља, Шпанија.

Поп ѕвездата Halsey се враќа на наградите со 3 номинации – Најдобра соработка, Најдобар поп изведувач и Најдобар имиџ. Неодамна го издаде новиот сингл “Graveyard” од албумот “Manic” кој е предвиден за издавање кон средината на јануари 2020 година.

И шпанската ѕвезда Rosalia повторно ќе се појави на MTV европските музички награди, а годинава може да се пофали со 4 номинации – Најдобар спот, Најдобра соработка, Најдобар имиџ и Најдобар push изведувач.

Своето деби на наградите ќе го имаат Becky G, Ava Max и Mabel.

Becky G, која е и водител на MTV EMA, годинава го издаде својот прв албум “Mala Santa”. Во текот на настапот ќе ја придружува музичкиот ветеран Akon со кого ќе ја изведе “Como No”, нумера од неговиот прв албум отпеан на шпански јазик “El Negreeto“.

Според извештаите, новата музичка надеж Mabel ќе ја изведе “Don’t Call Me Up,” од нејзиниот деби студиски албум “High Expectations.”

Во деновите кои претстојат ќе бидат објавени нови изведувачи кои ќе настапат на за MTV европските музички награди.

22.10.2019
Музички времеплов
  • 1976 - за турнеата на Ролинг Стоунс низ Англија, стасале преку милион барања за влезници кои се сместени во посебно засолниште, а нивната распределба извршена е со ждрепка. Поштата само на нивното испраќање до нарачителите во тоа време заработила 30 000 фунти.
  • 1928 - во продажба е пуштен првиот грамофон со автоматска измена на плочите.
  • 1969 - Beach Boys ја тужат својaта издавачка компанија Capitol, заради неисплатен хонорар на членот Brian Wilson.
  • 1971 - По 6 месеци од неговата смрт, албумот "The Cry of Love" на Jimi Hendrix добива златен сертификат.
  • 1976 - издаден е синглот "Silly Love Songs" на Paul McCartney and Wings.
  • Повеќе
Фреквенции
Скопје