Настани

Exit 2019

04.07.2019 20:00 - 07.07.2019 23:50

Еxit фестивалот се одржа од 4 до 7 јули 2019 на Петроварадинската тврдина во Нови Сад, Србија. 19-тото издание на фестивалот беше според многумина можеби најдоброто досега. рекордот на дневна посета беше срушен уште на првиот ден кога низ фестивалските порти поминаа 56.000 луѓе, а во четирите фестивалски дена беше забележана посета од 200.000 посетители.

На 40 фестивалски бини и зони настапија речиси 1.000 изведувачи и уметници од целиот свет, а фестивалот привлече посетители од 90 земји низ светот. Меѓу хедлајнерите беа The Cure, Chainsmokers, Carl Cox, Maceo Plex, Greta Van Fleet, Solomun, Dimitri Vegas & Like Mike, Tom Walker, Paul Kalkbrenner, Lost Frequencies, Skepta, Mahmut Orhan…  

Во чест на титулата Младинска престолнина на Европа првиот ден на Exit беше именуван Opens Day. Програмата на главната бина стартуваше со историскиот концерт на еден од најголемите светски бендови The Cure, кои нивната публика во регионов ги чекаше дури четири децении!

Рокенролот беше присутен и со американската сензација Greta Van Fleet.

Американскиот состав The Chainsmokers покажа зошто важи за еден од најпопуларните музички ѕвезди на денешницата, чии хитови беа хорски пеени од публиката пред главната бина!

На Денс арената настапија водечките ѕвезди од светската електронска сцена. Веќе првата ноќ беше поставен енергетскиот максимум во заедничкиот настап на Carl Cox и Maceo Plex. Тандемската рапсодија на Solumun и Tale of Us траеше повеќе од шест часа. Честа да го затвори фестивалот и Ден Арената ја имаше најбараната техно ѕвезда на денешницата Amelie Lens. За самиот крај на својот настап таа ја одбра “Firestarter” во чест на починатиот KIeith Flint од prodigy, бенд кој беше тесно поврзан со Exit и чии настапи се меѓу историските на фестивалот.

Дека EXIT не е само музички фестивал, потврдија и Јоко Оно и Новак Ѓоковиќ, со нивните видео пораки до публиката, а во живо на отворањето на фестивалот се огласија и старите пријатели на EXIT, социјалните активисти од северноамериканското племе Standing Rock, чии членови денеска се во првите борбени редови за зачувување на животот на Земјата.

Завршната вечер, пред спектакуларниот настап на најдобро рангираните светски DJ-и Dimitri Vegas & Like Mike, популарнииот американски мотивациски говорник Хенри Амар укажа на важноста на одржување на менталното здравје и препорача на публика дека сè што бараат веќе го имаат во себе и дека не им е потребно да користат наркотици. „Да останеме чисти“, големата национална кампања, која Србија ја крена на нозе непосредно пред фестивалот, беше интензивно промовирана на EXIT фестивалот апелирајќи им на посетителите да изберат чист живот без наркотици.

Музички времеплов
  • 1978 - Eric Clapton го спонзорира тимот на West Bromwich Albion на натпреварот во рамките на УЕФА купот против Галатасарај од Турција. По натпреварот, Eric на секој играч му подарува златна копија од последниот албум 'Slowhand'.
  • 1990 - Името на Marvin Gaye е додадено на холивудската Патека на славните.
  • 1984 - Родена е канадската пејачка Avril Lavigne. На возраст од 17 години и 3 месеци станува најмладиот изведувач што се искачува на првото место на британската албумска листа. Тој успех го постигнува со албумот 'Let Go'.
  • 1986 - Lionel Richie започнува двонеделен престој на првото место на американската албумска листа со 'Dancing On The Ceiling'.
  • 1947 - Роден е Marvin Lee Aday, односно Meat Loaf (1993 UK & USА No.1 'I'd Do Anything For Love But I Won't Do That'. Неговиот албум 'Bat Out Of Hell' од 1978 година поминува рекордни 457 недели на британската албумска листа).
  • Повеќе
Фреквенции
Скопје