Антена 5 Вести

Познат победникот на Critic’s Choice

Објавен е победникот на Critic’s Choice наградата во рамките на Британските музички награди 2019. Тоа е Sam Fender.

Тој ја добива наградата во значаен момент за неговата кариера. Во последните месеци беше зафатен со турнеја низ Британија и Европа, полека градејќи ја својата армија на лојални фанови. Овој млад музичар со база во Њукасл неодамна го издаде и своето деби  EP, “Dead Boys”.

За Critic’s Choice наградата годинава беа номинирани уште Lewis Capaldi и Mahalia. Наградата им се доделува на талентирани музичари на кои им се предвидува успех во  годината која претстои, а во која треба да го издадат својот деби албум. За победникот гласа специјален експертски тим составен од музички уредници во поголемите британски весници, музичките и лајф списанија и музичките веб сајтови, како и главните луѓе од големите ТВ и радио станици.

Претходни добитници на Critic’s Choice наградата се Adele, Florence + The Machine, Emeli Sande, Sam Smith, Rag’n’Bone Man и Jorja Smith.

Номинациите за Британските музички награди 2019 ќе бидат објавени на 12 јануари, а новото издание на наградите ќе се одржи на 20 февруари во лондонската Арена.

28.12.2018
Музички времеплов
  • 1972 - Роден е Alan White, тапанист во Oasis. Отпуштен е од бендот во 2004 година.
  • 1945 - Роден е Gary Peterson од Guess Who (1970 US No.1 & UK No.19 'American Woman').
  • 1996 - Пожар во домот на Eric Clapton причинува штета од 1,5 милион долари. Кога пристигнале пожарникарите, Clapton се борел со пламенот за да ја спаси својата колекција гитари.
  • 1966 - UK No.1 Rolling Stones 'Paint It Black'
  • 1990 - За првпат во историјата, првите 5 позиции на американската сингл листа се заземени исклучиво од жени Janet Jackson е петта, Wilson Phillips - 4-ти, треата е Sinead O'Connor, Heart се втори и Madonna е прва со 'Vogue'.
  • Повеќе
Фреквенции
Скопје