Антена 5 Вести

The 1975 ќе настапат на Brit Awards

Најдобро приодаваниот британски бенд во моментов, The 1975 ќе настапи на Британските музички награди, приклучувајќи им се на George Ezra, Little Mix и Jorja Smith на листата изведувачи.

“Почестени сме што сме номинирани во две категории за претстојните Британски музички награди и возбудени сме што ќе се вратиме во О2 Арената за да настапиме на сцената. Шоуто ќе биде извонредно,“ се вели во изјавата потпишана од момците.

Бендот The 1975 годинава e номиниран за Најдобра британска група, категорија која ја освоија во 2017, како и за Најдобар британски албум на годината. Своето трето студиско издание 'A Brief Inquiry Into Online Relationships' го објавија во ноември 2018, наедно освојувајќи ја британската албумска листа по трет пат. Оваа четворка од Манчестер во моментов е на турнеја низ Британија, а наскоро ги очекуваат и концерти во глобални рамки.

39-тото издание на Британските музички награди ќе се одржи на 20 февруари во O2 Арената во Лондон и ќе се емитува во живо на Антена 5 радио. Номинациите за наградите беа објавени кон средината на јануари, а листата со по 4 номинации ја предводат Anne-Marie и Dua Lipa. Домаќин на манифестацијата е актерот и комичар Jack Whitehall.

22.01.2019
Музички времеплов
  • 1970 - Со настапот во Њукесл, Англија, Grateful Dead го имаат првиот настап надвор од САД.
  • 1974 - George Harrison го објавува лансирањето на сопствената издавачка куќа 'Dark Horse'
  • 1979 - По расправија со издавачката компанија, Tom Petty објавува банкрот и долг од 575.000 долари. По ова следува долготраен судски процес со компанијата.
  • 1992 - Објавено е дека Freddie Mercury најголемиот дел од своето богатство, околу 10 милиони фунти, и ги препишал на својата долгогодишна пријателка Mary Austin.
  • 2000 - По неколку кавги со брат му Liam, Noel Gallagher ги напушта Oasis за време на европската турнеја. За преостанатите концерти заменет е со гитаристот Matt Deighton.
  • Повеќе
Фреквенции
Скопје