Музички Вести

MTV VMA - еден од највпечатлите настани за 2018-та година

Месец август традиционално е резервиран за една од најпрестижните манифестации на доделување награди – MTV Video Music Awards.
Оваа година во отсуство на добар дел од светските топ артисти – од Бијонсе до Бруно Марс,  MTV VMA го понуди очекуваниот спектакл, во однос на настапите, но истовремено понуди и изненадувања во однос на победниците во одредени категории.

Така на пример, Камила Кабео ги победи Дрејк, Бруно Марс, Карди Б, Аријана Гранде и Пост Малон, во една од најзначајните категории – Најдобар Артист на годината.

Подоцна и беше доделен Мун Мен и во категоријата Видео на Годината за “Havana”. Оваа песна беше број 1 на светските топ листи, додека видеото беше второ најгледано од видеата номинирани во таа категорија (прв е Дрејк со God’s Plan), но тоа е делумно е така само затоа што видеото на Кабео беше издадено во 2017-та година, за разлика од сите останати.

Џенифер Лопез, Карди Б и DJ Калед  ја освоија категоријата најдобра соработка за “Dinero”.

Аријана Гранде беше прогласена за најдобар поп изведувач.
 Постхумно на Авичи му беше доделена наградата во категоријата Најдобро Денс Видео за "Lonely Together" со  Рита Ора, додека најдобро рок видео е "Whatever It Takes" од  Имеџин Драгонс. Најдобро латино видео е "Mi Gente  на Џеј Балвин.

Дрејк, кој со сигурност е најуспешниот  артист за 2018-та година, не освои ниту една награда. На Бијонсе, Џеј-З, Ријана  и  Кендрик Ламар им беа доделени техничките награди – најдобра монтажа, уметничка режија, кинематографија и визуелни ефекти. Чајлдиш Гамбино освои најдобра режија, кинематографија и најдобра порака во видео за број 1 хитот “This Is America”.

Подоцна во текот на шоуто и беше оддадена чест на починатата музичка легенда Арета Френклин. Трибјутот го одржа Мадона и генерално зборуваше за себе.

Во однос на настапите:
Аријана Гранде ја изведе “God Is a Woman”, придружена од 50-тина  исклучиво женски танчерки, подоцна и се придружија и нејзината мајка, баба и братучетка. Настапот имаше религиозна нота и алудираше на моќта на жените во општеството.
Травис Скот емитираше силна позитивна енергија. Тој на сцената беше придружен од  Џејмс Блејк.

Џенифер Лопез ја освои престижната The Michael Jackson Vanguard Award за особен придонес кон музиката и имаше специјално шоу, кое го започна со Waiting for Tonight. Потоа следуваа низа хитови, вклучително и "On the Floor", "Ain't Your Mama," "Love Don't Cost a Thing", Get Right, а соодветно на песните, така се менуваше и целосната сценографија. Во текот на настапот и се придружија и DJ Калед и Џа Рул.

Настапот на Ники Минаж беше со египетска тематика, а таа се појави како Клеопатра. На сцената беше придружена од еден куп танчари и ги изведе хитовите од актуелниот албум, како "Majesty" и "Fefe". Ова беше единствениот настап на MTV VMA за кој се шпекулира дека беше на плејбек.

Лоџик и Рајан Тедер ја изведоа "One Day", а на сцената се појавија придружени од дузина имигрантски деца и тинејџери, кои носеа маички со натпис: "We are all human beings". Подоцна на сцената им се придружија и нивните родители. Лоџик носеше маичка со натпис  "F**k the wall", алудирајќи на ѕидот кој Трамп сака да го изгради на границата со Мексико.

25.12.2018
Музички времеплов
  • 1963 - На 39 години умира американската пејачка Dinah Washington. Mad About A Boy
  • 1999 - Вокалистот на Happy Mondays, Shaun Ryder, мора да плати оштета од 160.000 евра на својот поранешен менаџерски тим поради несогласување во договорот. Tврдел дека бил под дејство на дрога, па не го прочитал договорот во целост кога го потпишувал.
  • 1969 - Со гостувањето во шоуто на Ed Sullivan, Jackson Five го имаат првото појавување на ТВ.
  • 1996 - UK No.1 Boyzone 'A Different Beat'
  • 1972 - Филмот 'Born To Boogie' режиран од Ringo Starr, има премиера во Лондон. Во филмот се појавуваат T Rex.
  • Повеќе
Фреквенции
Скопје