Антена 5 Вести

Calvin Harris со деби на Британските музички награди

Супер успешниот шкотски диџеј и продуцент Calvin Harris ќе го има своето деби на Британските музички награди како изведувач. За оваа посебна пригода тој се потруди да има настап за кој долго ќе се зборува бидејќи на сцената ќе биде придружен од три големи британски ѕвезди и БРИТ добитници – Dua Lipa, Sam Smith и Rag’n’Bone Man.

Тие се приклучуваат кон листата изведувачи составена од 1975, George Ezra, Little Mix и Jorja Smith.

Harris е номиниран во категориите Најдобар сингл и Најдобар спот заедно со Dua Lipa за “One Kiss”, нумерата која беше најпродаваниот сингл за 2018 во Британија и која помина осум недели на врвот на британската сингл листа. Dua Lipa e номинирана во истите категории и за својот хит сингл “IDGAF”. Sam Smith, пак, е номиниран во категоријата Најдобар британски машки изведувач.

39-тото издание на Британските музички награди ќе се одржи на 20 февруари во O2 Арената во Лондон и ќе се емитува во живо на Антена 5 радио. Номинациите за наградите беа објавени кон средината на јануари, а листата со по 4 номинации ја предводат Anne-Marie и Dua Lipa. Домаќин на манифестацијата е актерот и комичар Jack Whitehall.

07.02.2019
Музички времеплов
  • 1958 Родена е американската соул пејачка Anita Baker (1986 UK No.13 'Sweet Love', 1998 USА No.1 албум 'Giving You The Best That I Got').
  • 1976 Родена е Emma Bunton, Baby spice од Spice Girls и соло изведувачка.
  • 1959 Роден е Vic Reeves, едната половина од британското комедиско дуо Reeves & Mortimer (1991 UK No.1 сингл со The Wonder Stuff, 'Dizzy').
  • 1984 Умира соул пејачот Jackie Wilson. Wilson бил на интензивна нега откако во 1975 година преживеал срцев удар. Van Morrison во негова чест ја има напишано 'Jackie Wilson Said', подоцна преработена од Dexy's Midnight Runners.
  • 2002 Родена е пејачката и актерка Peggy Lee (1958 USА No. 8 & UK No.5 'Fever'). Соработувала и со Benny Goodman, Randy Newman и со Quincy Jones.
  • Повеќе
Фреквенции
Скопје