Антена 5 Вести

Rod Stewart ќе ги затвори Brit Awards

Rod Stewart ќе го затвори престојното издание на Британските музички награди со специјален настап!

Ова ќе биде вторпат музичката легенда да настапи на наградите, по 1993 кога исто така му беше врачена наградата за Особен придонес кон музиката.

Stewart се смета за еден од најголемите рокенрол ѕвезди на сите времиња со фантастична кариера во рамките на која може да се пофали со десет бр.1 албуми и 26 топ 10 синглови во Британија. Неговите албуми се продадени во тираж од над 250 милиони примериоци во глобални рамки.

Оваа музичка легенда е се уште активна. Во 2019 го издаде албумот 'You're In My Heart: Rod Stewart With The Royal Philharmonic Orchestra', кој се пласираше на 1 позиција на британската албумска листа каде остана три недели.

Меѓу големите хитови на Stewart се вбројуваат 'Gasoline Alley', 'Every Picture Tells a Story', 'Mandolin Wind', 'You Wear It Well',  roj'The Killing of Georgie', 'Tonight's the Night', 'You're In My Heart (The Final Acclaim)', 'Do Ya Think I'm Sexy?'', 'Maggie May' ...

Британските музички награди ќе се одржат во лондонската О2 Арена на 18 февруари. На наградите ќе настапат уште Billie Eilish, Celeste, Dave, Harry Styles, Lewis Capaldi, Lizzo, Mabel и Stormzy!

Антена 5 радио ќе биде присутна во Лондон за наградите со своја екипа и подготвува, како и секогаш, специјална програма посветена на најзначајната ноќ во британскиот музички календар која ќе биде пренесувана во живо.

12.02.2020
Музички времеплов
  • 1989 - UK No.1 Simple Minds 'Belfast Child' (со 6 минути и 39 секунди станува втор најдолг бр.1, веднаш по 'Hey Jude' на Beatles)
  • 2004 - Rolling Stones се на првото место на американската листа како музичари со најголема заработка од преходната година. Од турнејата “Forty Licks” заработиле 212 милиони долари.
  • 1984 - USА No.1 Van Halen 'Jump'
  • 1985 - U2 ја започнуваат првата целосна арена турнеја низ САД.
  • 1957 - Роден е Stewart Wood од Bay City Rollers (1975 UK No.1 'Bye Bye Baby' и уште 11 други UK Top 20 синглови', 1976 USА No.1 'Saturday Night').
  • Повеќе
Фреквенции
Скопје