Музички Вести

Збогување со Pete Burns

Пејачот на Dead or Alive, Pete Burns, почина од срцев удар, на 57-годишна возраст.

Burns е роден 1959 во Англија. Училиштето го напуштил на 14-годишна возраст и едно време работел во музичката продавница Probe Records во Ливерпул.

Во 1977 година соработувал со локалната група Mystery Girls. Две години подоцна го основал бендот Nightmares in Wax кој по само едно EP го промени името во Dead or Alive. Снимија серија синглови пред да постигнат голем успех со  “You Spin Me Round (Like a Record)”  кој беше бр.1 во Британија и Канада.

Burns беше познат и по својот андроген стил и прогресивниот пристап кон родовата определба. Често се облекуваше во женска облека, а беше и вистински зависник од пластичната хирургија. Како што изјави самиот, имал околу 300 операции, главно на лицето, а во 2006 во текот на операцијата на носот замалку ќе го загубеше животот. Но, оваа опсесија доведе и до негов банкрот откако мораше да плати огромна сума за санирање на последниците на неуспешната операција на усните.

Што се однесува до неговиот приватен живот, во 1978 се венча со фризерката Lynne, од која се раздели во 2006. Кратко потоа, Burns се венча со својот партнер Michael Simpson поканувајќи ги ТВ екипите на својата свадба.

27.10.2016
Музички времеплов
  • 1990 - Пејачот на Guns N' Roses, Axl Rose е ослободен со кауција, откако бил притворен зашто го удрил соседот со шише по главата.
  • 1939 - Родена е Grace Slick, вокалистка во Jefferson Airplane, однсоно Starship. 'We Built This City'
  • 1982 - USА No.1 Men At Work 'Who Can It Be Now'
  • 1970 - Jim Morrison од Doors добива 6-месечна затворска казна зашто се разголил на настап во Мајами.
  • 2002 - Во студиото во Квинс, Њујорк, Jam Master Jay од Run-DMC убиен е само со еден куршум испукан од платен убиец.
  • Повеќе
Фреквенции
Скопје