Антена 5 Вести

Pink со награда и настап на Brit Awards

Глобалната поп икона Pink е добитник на престижната награда за Особен придонес кон музиката и ќе биде првиот интернационален изведувач кому му се доделува почеста во рамките на Британските музички награди.  Меѓу претходните добитници на оваа награда се Elton John, David Bowie, Queen, Spice Girls, U2, Paul McCartney, Oasis, Robbie Williams и Blur.

Организаторите најавија дека годинашното шоу ќе биде затворено токму со нејзиниот настап.

Од своето деби во 2002 година, Pink има издадено седум студиски албуми продадени во тираж од над 60 милиони примероци во глобални рамки. Во Британија, нејзините албуми се продадени во тираж од над 8 милиони примероци, а нејзините синглови можат да се пофалат со бројка од 12 милиони продадени примероци.

На Британските музички награди таа има добиено девет номинации, а во 2003 година ја освои наградата за Најдобар интернационален женски изведувач. Претстојното лето ја очекува првата британска стадионска турнеја после пет години, со два концерти на лондонскиот стадион Вембли.

Претходно, беше соопштено дека кон списокот изведувачи на Британските музички награди се приклучува Jess Glynne, една од најуспешните британски пејачки со два бр.1 албуми зад себе. Во текот на настапот ќе биде придружена од американската пејачка H.E.R.

39-тото издание на Британските музички награди ќе се одржи на 20 февруари во O2 Арената во Лондон и ќе се емитува во живо на Антена 5 радио. Домаќин на манифестацијата е актерот и комичар Jack Whitehall.

12.02.2019
Музички времеплов
  • 1943 - Роден е поп/џез пејачот и гитарист George Benson (1980 USА No. 4 & UK No.7 'Give Me The Night').
  • 1997 - USА No.1 Puff Daddy featuring Mase 'Can't Nobody Hold Me Down'
  • 1943 - Роден е Keith Relf, вокалист во Yardbirds (1965 UK No.3 & USА No.6 'For Your Love').
  • 1975 - Led Zeppelin започнуваат 6-неделен престој на првото место на американската албумска листа со 'Physical Graffiti', нивни четрвти американски бр.1.
  • 1992 - Polygram Records дава официјално соопштение дека Tears For Fears се распаѓаат, а Roland Orzabal ќе продолжи да го користи името Tears For Fears. Во текот на својата кариера групата оствари 15 UK Top 40 синглови и два USА No.1 хитови. Ќе се роформат во 2004 г.
  • Повеќе
Фреквенции
Скопје