Спортски Вести

Пријавени 24 пливачи за 29-тиот Охридски пливачки маратон

Дваесет и четири натпреварувачи од кои 12 мажи и исто толку жени од Македонија, Аргентина, Италија, Венецуела, Бразил, Бугарија, Канада, Германија, Хрватска, Русија и Шпанија имаат пријавено учество на 29-тиот по ред Меѓународен пливачки маратон што в сабота 29. август ќе се плива во водите на Охридското Езеро.

Меѓу пливачите од светската маратонска елита оваа година боите на Македонија ќе ги бранат нашите маратонци Томи Стефаноски и Евгениј Поп Арсов.

Охридскиот пливачки маратон се плива на патеката „Климе Савин“ од манастирскиот комплекс „ Св. Наум“  до Градското пристаниште во Охрид, со вкупна должина од 30 километри.

Организатори на  маратонот се Меѓународната пливачка федерација (ФИНА), Македонската пливачка федерација, Општина Охрид и Капетанијата на пристаништата. Оттаму со информација дека сите активности во врска со настанот се во завршна фаза. Општина Охрид и оваа година целосно ја презема одговорноста околу техничката организација  на маратонот, што подразбира  поддршка околу организацијата  во поглед на чамци за придружба, контролни чамци, глисери, бродови, детали околу организирањето на културно–забавниот дел на  манифестацијата на самата цел, како и нуркачи, спасувачки  екипи  и друго.

За охридската локлана самоуправа Охридскиот пливачки маратон е настан од посебна важност, бидејќи како настан од светски рамки, придонесува за афирмација на Охрид како спортски и туристички центар.

25.08.2015
Музички времеплов
  • 1981 - Mark Chapman добива 20 години затвор поради убисво на John Lennon.
  • 1955 - Роден е Jeffrey Daniels од Shalamar, (1980 USА No. 8 'The Second Time Around', 1982 UK No.5 'A Night To Remember').
  • 1963 - Stevie Wonder станува прв изведувач со истовремено бр.1 албум и сингл во САД. Wonder на првото место е на албумската листа со 'Little Stevie Wonder / The 12 Year Old Genius' и истоврмеено на синглската со 'Fingertips part 2'. Ова воедно е прва снимка во живо што се искачува на првото место.
  • 1956 - Роден е Matt Aitken, дел од продукцискиот тим Stock, Aitken и Waterman. Продуцирале над 10 британски бр.1 хитови.
  • 1991 - Со албумот што го носи името на групата, Metallica го добиваат првиот британски албумски бр.1.
  • Повеќе
Фреквенции
Скопје