Музички Вести

Почина музичката икона Prince

Prince, музичарот кој го дефинираше звукот на 80-тите со хитови како “Kiss” и “Purple Rain” и кој и се спротистави на музичката индустрија борејќи се за креативна слобода, почина во четвртокот.

57-годишниот музичар беше пронајден мртов во лифт на неговиот имот Пејсли парк во Минесота. Според локалната полиција, екипа на брзата помош се обидела да го реанимира, но безуспешно. Прогласен е за мртов 30 минути по пристигнувањето на повикот за помош. Ќе биде спроведена истрага и аутопсија за да се утврдат причините за смртта. Она што засега се знае е дека неодамна боледувал од грип.

Веста за неговата смрт предизвика голем излив на жалост на Интернет  – од неговите фанови, колеги, се до претседателот на САД.

Овој месец за Prince беше известено во повеќе наврати, но не поради неговата музика. Неговиот концерт во Фокс театарот во Џорџија беше откажан бидејќи не се чувствувал добро. Една недела подоцна се појави во Атланта за два концерти со времетраење од 80 минути, што е невообичаено кратка минутажа за него. Концертот, на кој ги изведуваше своите најголеми хитови му донесе извонредни критики, а пејачот потоа преку друштвените мрежи порача: “Трансформиран сум.“

Враќајќи се назад кон Минеаполис неговиот авион мораше принудно да се приземји по што беше одведен во болница во Молин, Илиноис, каде беше задржан кратко. Неговиот публицист потоа изјави дека Prince се чувствува добро и дека е во својот дом.

Во саботата настапи пред помала група свои фанови во Пејсли парк, гордо покажувајќи им го новото пурпурно јамаха пијано и гитара која била изработена специјално за него во Европа. Настапот, според музичкиот критичар Jon Beam требал да ги увери фановите и медиумите дека се е во ред со неговото здравје.

22.04.2016
Музички времеплов
  • 1939 - Роден е пејачот и текстописец Phil Everly од Everly Brothers. 'All I Have To Do Is Dream'
  • 2001 - Се известува дека Paul McCartney е на пат да стане првата поп ѕвезда милијардер. Неговото богатство е проценето на 725 милиони фунти и се очекува да надмине милијарда по продажбата на новите компилации со најголемите хитови на Beatles.
  • 1949 - Роден е пејачот и текстописец Robert Palmer. Simply Irresistable
  • 1997 - Madonna добива награда Златен глобус за најдобра актерка за улогата во филмот 'Евита'.
  • 1943 - Родена е Janis Joplin. Cry Baby
  • Повеќе
Фреквенции
Скопје