Музички Вести

Збогување со Pete Burns

Пејачот на Dead or Alive, Pete Burns, почина од срцев удар, на 57-годишна возраст.

Burns е роден 1959 во Англија. Училиштето го напуштил на 14-годишна возраст и едно време работел во музичката продавница Probe Records во Ливерпул.

Во 1977 година соработувал со локалната група Mystery Girls. Две години подоцна го основал бендот Nightmares in Wax кој по само едно EP го промени името во Dead or Alive. Снимија серија синглови пред да постигнат голем успех со  “You Spin Me Round (Like a Record)”  кој беше бр.1 во Британија и Канада.

Burns беше познат и по својот андроген стил и прогресивниот пристап кон родовата определба. Често се облекуваше во женска облека, а беше и вистински зависник од пластичната хирургија. Како што изјави самиот, имал околу 300 операции, главно на лицето, а во 2006 во текот на операцијата на носот замалку ќе го загубеше животот. Но, оваа опсесија доведе и до негов банкрот откако мораше да плати огромна сума за санирање на последниците на неуспешната операција на усните.

Што се однесува до неговиот приватен живот, во 1978 се венча со фризерката Lynne, од која се раздели во 2006. Кратко потоа, Burns се венча со својот партнер Michael Simpson поканувајќи ги ТВ екипите на својата свадба.

27.10.2016
Музички времеплов
  • 1985 - Радио станиците во Јужна Африка ги забрануваат сите песни на Stevie Wonders, откако тој својата награда Оскар, добиена претходната вечер, ја посветил на Нелсон Мандела.
  • 1944 - Родена е Diane Earle, односно Diana Ross, членка на Supremes (1964 UK & USА No.1 'Baby Love' и уште над 20 други USА & UK Top 40 хитови) и соло изведувачка (1980 USА No.1 'Upside Down, 1986 UK No.1 'Chain Reaction').
  • 1948 - Роден е Steven Tyler, вокалист во Aerosmith (1989 UK No.13 'Love In An Elevator'. 1989 албумот 'Pump' поминува 53 недели на американската топ листа. 1998 USА No.1 'I Don't Want To Miss A Thing').
  • 2000 - UK No.1 Melanie C 'Never Be The Same The Again'
  • 1988 - USА No.1 Michael Jackson 'Man In The Mirror'
  • Повеќе
Фреквенции
Скопје