Настани

D Festival 2016

15.07.2016 20:00 - 17.07.2016 23:59

6-тото издание на Д фестивалот во Дојран се одржа од 15 до 17 јули 2016. Тридневниот музички маратон понуди педесетина домашни и странски изведувачи кои настапија на пет фестивалски бини.

Меѓу годинешните ѕвезди беа Sigma, Roger Sanches, Toy dolls, Бернајс пропаганда, Дубиоза Колектив, Хладно пиво, Лолобриџида, Паркети, Чиста Околина.

Годинава покрај главната фестивалска бина на паркингот Гранит, Москито бината во фестивалскиот камп, фестивалот понуди и нова концертна локација Church Stage - во црквата „Свети Илија“ во Стар Дојран, на падините над фестивалскиот камп. Таму настапија Елена Христова од етносоставот „Баклава“ и виртуозот на канон Ибрахим Џенгис, како и „Љубојна“ со проектот „Акустично глаголицирање или Љубојна на тацна“.

Програмата на Lake Awake бината, пак, беше посветена на електронската музика.

Во рамките на фестивалот беа организирани и рекреативни активности како Зумба, Јогалатес, Аеробик, Бабл фудбал, стоечко веслање, арт активности како базари, работилници и проекции на документарци во рамките на Македокс патувачкото кино

„Д Фестивал“ годинава се одржува во рамки на манифестацијата „Дојран - град на културата 2016“.

Музички времеплов
  • 1933 - Родена е соул пејачката Cissy Houston, мајка на Whitney Houston. Била дел од Sweet Inspirations и Drinkard Singers (со Dionne Warwick), а работела и како придружен вокал на Elvis Presley, Aretha Franklin, Chaka Khan и Luther Vandross.
  • 1995 - USА No.1 Mariah Carey 'Fantasy' (прв хит од женски изведувач што дебитира директно на првото место на американската синглска листа)
  • 1989 - Tina Turner го добива вториот британски бр.1 албум 'Foreign Affair'.
  • 1967 - BBC Radio 1 за првпат почнува да емитува програма. Tony Blackburn е првиот презентер, а прва песна што е свртена е 'Flowers In The Rain' на Move.
  • 1995 - UK No.1 Simply Red 'Fairground' (нивни прв бр.1, а 15-ти сингл во кариерата).
  • Повеќе
Фреквенции
Скопје