Настани

Д фестивал 2019

12.07.2019 21:00 - 14.07.2019 23:59

Д ФЕСТИВАЛ, единствениот летен музички фестивал во земјава, се одржа од 12 до 14 јули 2019 во Дојран. На деветтото издание низ фестивалските порти поминаа околу 30.000 посетители кои пристигнаа од 15 земји, со што е постигнат и нов рекорд на Фестивалот.

Меѓу изведувачите кои настапија на досега најуспешното издание на фестивалот беа  КИРИЛ ЏАЈКОВСКИ  во придружба на Lion D  и TK WONDER,OFENBACH, NOISIA,TOM NOVY. MAHMUT ORHAN, NAPALM DEATH, HINDI ZAHRA, AKUA NARU, ВЛАТКО СТЕФАНОВСКИ, ФОЛТИН, ПАРКЕТИ, ЏЕНГИЗ ИБРАХИМ, BAD COPY...  

Дека ова е најмасовното издание на Д Фестивал, беше наговестено уште на т.н. нулти ден односно во четвртокот, на 11-ти јули кога традиционално се отвора фестивалскиот камп, а кој годинава блесна во полн сјај и капацитет и пред официјалниот старт на програмата. Огромниот интерес кој го предизвика Д Фестивал резултираше и со исполнетост на целосниот капацитет на сите бини и зони на фестивалот, кои ја донесоа најобемната програма досега, со шест музички бини и над 20 фестивалски зони. Само во музичката програма, Д ФЕСТИВАЛ беше домаќин на повеќе од 50 музички ѕвезди, но и на двојно повеќе уметници и перформасни кои пристигнаа со повеќе од 20 здруженија во ПлоштАрт зоната во срцето на фестивалскиот камп.

Ова лето, Д-Фестивал беше збогатен со уште една музичка бина – Smooth Stage, посветена на домашната музичка сцена, а Silent Disco исто така е нова фестивалска атракција. Неделата е збогатена и со новиот програмски концепт „FAMILY DAY“, со активности за најмладите во текот на денот.

На фестивалот се одржа извонредниот музичко-театарски перформанс ЦРНИЛА РЕМИКС, а беше изведена и претставата на театарската трупа на ARTOPIA, „Да го поздравиш и да ми го бациш“. Во фестивалскиот камп имаше и филмски проекции – беше прикажан “Исцелител” на Ѓорче Ставрески, а беше организиран и филмски опус посветен на култниот македонски режисер Кирил Ценевски

Програмата вклучуваше и бројни работилници, изложби, дебати и перформанси во ПлоштАрт, бесплатна дневна програма на Lake Awake бината, базар на уметнички дела и ракотворби, многу различни атрактивни фестивалски зони исполнети со забавни и спортски активности.

Музички времеплов
  • 1979 - B.B. King свири во Roxy Club во Лос Анџелес како прослава на 30 годишната кариера.
  • 1944 - Роден е Jim Capaldi, тапанист и пејач во Traffic (1967 UK No.2 'Hole In My Shoe') и соло изведувач (1975 UK No.4 'Love Hurts'). Умира од рак на 60 години во 2005-та.
  • 1963 - Stevie Wonder станува прв изведувач со истовремено бр.1 албум и сингл во САД. Wonder на првото место е на албумската листа со 'Little Stevie Wonder / The 12 Year Old Genius' и истоврмеено на синглската со 'Fingertips part 2'. Ова воедно е прва снимка во живо што се искачува на првото место.
  • 1981 - Mark Chapman добива 20 години затвор поради убисво на John Lennon.
  • 1985 - USА No.1 Huey Lewis & the News 'The Power Of Love'
  • Повеќе
Фреквенции
Скопје