Настани

D Festival 2016

15.07.2016 20:00 - 17.07.2016 23:59

6-тото издание на Д фестивалот во Дојран се одржа од 15 до 17 јули 2016. Тридневниот музички маратон понуди педесетина домашни и странски изведувачи кои настапија на пет фестивалски бини.

Меѓу годинешните ѕвезди беа Sigma, Roger Sanches, Toy dolls, Бернајс пропаганда, Дубиоза Колектив, Хладно пиво, Лолобриџида, Паркети, Чиста Околина.

Годинава покрај главната фестивалска бина на паркингот Гранит, Москито бината во фестивалскиот камп, фестивалот понуди и нова концертна локација Church Stage - во црквата „Свети Илија“ во Стар Дојран, на падините над фестивалскиот камп. Таму настапија Елена Христова од етносоставот „Баклава“ и виртуозот на канон Ибрахим Џенгис, како и „Љубојна“ со проектот „Акустично глаголицирање или Љубојна на тацна“.

Програмата на Lake Awake бината, пак, беше посветена на електронската музика.

Во рамките на фестивалот беа организирани и рекреативни активности како Зумба, Јогалатес, Аеробик, Бабл фудбал, стоечко веслање, арт активности како базари, работилници и проекции на документарци во рамките на Македокс патувачкото кино

„Д Фестивал“ годинава се одржува во рамки на манифестацијата „Дојран - град на културата 2016“.

Музички времеплов
  • 1976 - UЅА No.1 Rhythm Heritage 'Theme From SWAT'
  • 1998 - UЅА No.1 Celine Dion 'My Heart Will Go On'
  • 1970 - Во интервју за New Musical Express, Peter Green од Fleetwood Mac изјавува дека сака да се откаже од своето целосното богатство. По неколку години ќе биде пренесен во ментална болница.
  • 1966 - Роден е Ian Brown, вокалист во Stone Roses (1989 UK No.8 'Fool's Gold', 1989 албум 'The Stone Roses') и соло изведувач (1998 UK No.5 'My Star').
  • 1994 - Во лондонскиот Royal Albert Hall Eric Clapton го има својот 100-ти настап. Учествува на добротворниот концерт 'Children In Crisis'.
  • Повеќе
Фреквенции
Скопје