Настани

Д фестивал 2019

12.07.2019 21:00 - 14.07.2019 23:59

Д ФЕСТИВАЛ, единствениот летен музички фестивал во земјава, се одржа од 12 до 14 јули 2019 во Дојран. На деветтото издание низ фестивалските порти поминаа околу 30.000 посетители кои пристигнаа од 15 земји, со што е постигнат и нов рекорд на Фестивалот.

Меѓу изведувачите кои настапија на досега најуспешното издание на фестивалот беа  КИРИЛ ЏАЈКОВСКИ  во придружба на Lion D  и TK WONDER,OFENBACH, NOISIA,TOM NOVY. MAHMUT ORHAN, NAPALM DEATH, HINDI ZAHRA, AKUA NARU, ВЛАТКО СТЕФАНОВСКИ, ФОЛТИН, ПАРКЕТИ, ЏЕНГИЗ ИБРАХИМ, BAD COPY...  

Дека ова е најмасовното издание на Д Фестивал, беше наговестено уште на т.н. нулти ден односно во четвртокот, на 11-ти јули кога традиционално се отвора фестивалскиот камп, а кој годинава блесна во полн сјај и капацитет и пред официјалниот старт на програмата. Огромниот интерес кој го предизвика Д Фестивал резултираше и со исполнетост на целосниот капацитет на сите бини и зони на фестивалот, кои ја донесоа најобемната програма досега, со шест музички бини и над 20 фестивалски зони. Само во музичката програма, Д ФЕСТИВАЛ беше домаќин на повеќе од 50 музички ѕвезди, но и на двојно повеќе уметници и перформасни кои пристигнаа со повеќе од 20 здруженија во ПлоштАрт зоната во срцето на фестивалскиот камп.

Ова лето, Д-Фестивал беше збогатен со уште една музичка бина – Smooth Stage, посветена на домашната музичка сцена, а Silent Disco исто така е нова фестивалска атракција. Неделата е збогатена и со новиот програмски концепт „FAMILY DAY“, со активности за најмладите во текот на денот.

На фестивалот се одржа извонредниот музичко-театарски перформанс ЦРНИЛА РЕМИКС, а беше изведена и претставата на театарската трупа на ARTOPIA, „Да го поздравиш и да ми го бациш“. Во фестивалскиот камп имаше и филмски проекции – беше прикажан “Исцелител” на Ѓорче Ставрески, а беше организиран и филмски опус посветен на култниот македонски режисер Кирил Ценевски

Програмата вклучуваше и бројни работилници, изложби, дебати и перформанси во ПлоштАрт, бесплатна дневна програма на Lake Awake бината, базар на уметнички дела и ракотворби, многу различни атрактивни фестивалски зони исполнети со забавни и спортски активности.

Музички времеплов
  • 1964 - 200.000 обожаватели на Beatles излегуваат на улиците на Ливерпул како прослава на враќањето на групата во родниот град. Beatles се дојдени на прикажувањето на филмот 'A Hard Days Night'.
  • 2002 - Шкотска група го тужи бој бендот Blue со тврдење дека тие имаат право на името, зашто се нарекувале Blue уште во 1977 година кога имале и британски топ 20 хит.
  • 1980 - Родена е Jessica Simpson. Еве ја со деби синглот 'I Wanna Love You Forever'.
  • 1969 - Се одржува погребот на Brian Jones од Rolling Stoneѕ. Прочитан е епитафот што Jones сам си го напишал: 'Ве молам немојте да ми судите премногу безмилосно'.
  • 1954 - Роден е Neil Tennant од Pet Shop Boys. Претходно работел како музички уредник на списанието Smash Hits. West And Girls
  • Повеќе
Фреквенции
Скопје