Антена 5 Вести

Eminem ќе настапи на MTV Europe Music Awards

Само еден ден по објавувањето на новиот сингл “Walk On Water” на Eminem во соработка со Beyonce, објавено е дека раперот ќе се приклучи кон изведувачите на MTV Europe Music Awards кои ќе се одржат на 12 ноември во Лондон.

Се уште нема потврда дали на сцената ќе му се приклучи и Beyonce, но неговите фанови секако се израдуваа на веста дека по подолга пауза еден од највлијателните рапери ќе се врати на музичката сцена. Освен што ќе го изведе својот најнов сингл, Eminem е номиниран во две категории – Најдобар хип-хоп изведувач и Најдобар изведувач во живо.

Ова ќе биде негово четврто појавување на наградите. Последен пат настапи во 2013 во Амстердам кога ги изведе “Rap God” и “Berzerk” од неговиот последен албум “The Marshall Mathers LP2”. Тогаш беше добитник на наградата Глобална икона, а исто така победи во категоријата најдобар хип-хоп изведувач.  Во 2004 во Рим ги изведе “Like Toy Soldiers”/”Just Lose It”, а во 2002 во Барселона со “Cleanin’ Out My Closet”/”Lose Yourself”.

Eminem е еден од најуспешните изведувачи во историјата на MTV европските музички награди – може да се пофали со 35 номинации и 15 освоени награди.

Неодамна некои медиуми во Детроит, неговиот роден град, известија дека одржува проби за настапот во Лондон заедно со Skylar Gray, која е копродуцент на новиот сингл заедно со Rick Rubin.

Oва е прв сингл од новиот албум на Еминем, “Revival”, кој ќе се издаде наскоро.

11.11.2017
Музички времеплов
  • 1996 - UK No.1 Gina G 'Ooh Aah...Just A Little Bit'
  • 1991 - Michael Bolton доаѓа на првото место на британската албумска листа со 'Time, Love and Tenderness'.
  • 2001 - Гитаристот на Oasis, Noel Gallagher добива оштета од Daily Mirror заради лажна вест дека се разведува со Meg Matthews.
  • 1961 - UK No.1 Temperance Seven 'You're Driving Me Crazy'
  • 2003 - Jemini стануваат првите претставници на В. Британија кои на Евросонгот не добиваат нити еден поен.
  • Повеќе
Фреквенции
Скопје