Музички Вести

Доделени Греми наградите

Британската ѕвезда Adele триумфираше на доделувањето на 59. Греми музички награди во Лос Анџелес, освојувајќи ги сите пет категории во кои беше номинирана.

Adele ги освои наградите за најдобар албум, снимка и песна на годината, за “25” и “Hello”. Со тоа стана и првиот изведувач во историјата на Греми наградите кој двапати ги освоил најпрестижните три награди, повторувајќи го успехот од 2012 со албумот “21”.  Adele сега поседува вкупно 15 Греми награди.

Воздржувајќи се да не заплаче, додека ја примаше наградата за најдобар албум и оддаде почест на Beyonce, нејзина голема инспирација и идол, кршејќи ја статуетката за да ја подели со неа. Beyonce беше номинирана за девет награди, а дома си замина со две - за најдобар спот (“Formation”) и најдобар современ урбан албум (“Lemonade”). Бремената Beyonce имаше впечатлив настап изведувајќи ги баладите "Love Drought" и "Sandcastles". Adele ја прекина својата изведба на “Fastlove” од George Michael која сакаше да ја отпее во чест на починатиот пејач, замолувајќи ја публиката да започне одново, по што беше наградена со силен аплауз.

Покрај Adele голем победник на свеченоста беше и починатата британска рок икона David Bowie кој беше одликуван со пет Греми награди, меѓу кои наградите за најдобар алтернативен албум и најдобра рок песна. Bowie доби 4 постхумни награди, а петтата ја доби продуцентот на неговиот последен албум.

На церемонијата настапија уште The Weeknd & Daft Punk, Metallica & Lady Gaga, Ed Sheeran, Katy Perry, Bruno Mars …

Листа со главните награди:

Албум на годината: Adele, 25

Песна на годината: Adele, "Hello"

Снимка на годината: Adele, "Hello"

Рап албум: Chance The Rapper, Coloring Book

Современ урбан албум: Beyoncé, Lemonade

Рок песна: David Bowie, "Blackstar"

Поп изведба од дуо/група: Twenty One Pilots, "Stressed Out"

Нов изведувач: Chance The Rapper

Продуцент на годината, не-класичен: Greg Kurstin

Поп вокален албум: Adele, 25

Поп соло изведба: Adele, “Hello”

Метал изведба: Megadeth, “Dystopia”

Рап песна: Drake, “Hotline Bling”

Рап отпеана изведба: Drake, “Hotline Bling”

Рап изведба: Chance the Rapper, “No Problem” [featuring Lil Wayne & 2 Chainz]

R&B албум: Lalah Hathaway - Lalah Hathaway Live

Реге албум: Ziggy Marley, Ziggy Marley

Џез вокален албум: Gregory Porter, Take Me to the Alley

Денс нумера: The Chainsmokers, “Don't Let Me Down” [ft. Daya]

Музички филм: The Beatles, The Beatles: Eight Days a Week the Touring Years

Песна напишана за визуелни медиуми: Нумерата од Trolls, “Can't Stop the Feeling!”

Најдобро аранжиран албум: David Bowie, Blackstar

Музички спот: Beyoncé, “Formation”

Денс/електро албум: Flume, Skin

R&B изведба: Solange, “Cranes In The Sky”

R&B песна: Maxwell, “Lake By The Ocean”

Награда за животно дело: Charley Pride, Nina Simone, Velvet Underground, Shirley Caesar, Ahmad Jamal, Jimmie Rodgers, Sylvester Stone.

13.02.2017
Музички времеплов
  • 1953 - Родена е Suzi Carr од Will To Power. 'Baby I Love Your Way
  • 1996 - USА No.1 Toni Braxton 'You're Makin' Me High'
  • 1968 - Robin Gibb од Bee Geeѕ, колапсира во момент кога групата треба да ја започне првата американска турнеја. Причина е нервна исцрпеност.
  • 1986 - Со концерт во Будимпешта, Унгарија, Queen стануваат први западни музичари кои по Louis Armstrong настапуваат во Источна Европа.
  • 1976 - Bruce Springsteen гу тужи менаџерот Mike Appel за измама и губење доверба. сметал дека менаџерот му ја кочел кариерата.
  • Повеќе
Фреквенции
Скопје