Антена 5 Вести

Rag’n’Bone Man ќе настапи на Brit Awards

Минатогодишниот добитник на Critic’s Choice наградата, Rag’n’Bone Man се приклучи кон листата изведувачи на Британските музички награди.

Британскиот пејач, чие вистинско име е Rory Graham, има успешна година зад себе – неговото прво студиско издание “Human” дебитираше на 21 место на британската албумска листа и стана најбрзо продаваниот деби албум на британски машки изведувач во последната деценија. Освен тоа, минатата година на престижната манифестација ја освои и наградата за Најдобар британски нов изведувач, а настапи и на повеќе музички фестивали меѓу кои Exit во Нови Сад.

Rag’n’Bone Man се приклучува кон листата изведувачи составена од Foo Fightеrs, Ed Sheeran, Sam Smith, Dua Lipa и Stormzy.

Британските музички награди ќе се одржат на 21 февруари во лондонската O2 Арена. Водител на манифестацијата ќе биде британскиот комичар Jack Whitehall.

Антена 5 и оваа година ќе ги емитува во живо Британските музички награди и подготвува специјална програма со јавувања во живо, интервјуа и извештаи пласирани во својата радио програма и преку своите друштвени платформи.

16.01.2018
Музички времеплов
  • 1972 - Втор пат за 4 недели Paul и Linda McCartney се уапсени за поседување канабис, сега на нивната шкотска фарма.
  • 1959 - Родена е Alannah Currie, вокалистката на Thompson Twins. 'Hold Me Now'
  • 1997 - Спотот на Pearl Jam за хитот 'Jeremy' е прогласен за една од причините поради насилството на американскиот тинејџер Barry Loukaitis кој усмртил тројца луѓе.
  • 1973 - На пат за настап во Луизијана загинува пејачот и текстописец Jim Croce заедно со уште 5-мина сопатници, откако авионот со кој летале удира во дрво. I've Got A Name
  • 1975 - Со настапот во шоуто 'Saturday Night Variety Show', Bay City Rollers за првпат се појавуваат на американска ТВ.
  • Повеќе
Фреквенции
Скопје