Антена 5 Вести

Познат победникот на Critic’s Choice

Објавен е победникот на Critic’s Choice наградата во рамките на Британските музички награди 2019. Тоа е Sam Fender.

Тој ја добива наградата во значаен момент за неговата кариера. Во последните месеци беше зафатен со турнеја низ Британија и Европа, полека градејќи ја својата армија на лојални фанови. Овој млад музичар со база во Њукасл неодамна го издаде и своето деби  EP, “Dead Boys”.

За Critic’s Choice наградата годинава беа номинирани уште Lewis Capaldi и Mahalia. Наградата им се доделува на талентирани музичари на кои им се предвидува успех во  годината која претстои, а во која треба да го издадат својот деби албум. За победникот гласа специјален експертски тим составен од музички уредници во поголемите британски весници, музичките и лајф списанија и музичките веб сајтови, како и главните луѓе од големите ТВ и радио станици.

Претходни добитници на Critic’s Choice наградата се Adele, Florence + The Machine, Emeli Sande, Sam Smith, Rag’n’Bone Man и Jorja Smith.

Номинациите за Британските музички награди 2019 ќе бидат објавени на 12 јануари, а новото издание на наградите ќе се одржи на 20 февруари во лондонската Арена.

28.12.2018
Музички времеплов
  • 1984 - Bob Marley & the Wailers започнуваат 12-неделен престој на првото место на британската албумска листа со компилацијата 'Legend', издадена по повор три годишнината од смртта на Marley.
  • 1932 - Родена е Alma Cogan (1955 UK No.1 'Dreamboat', плус 20 други британски топ 40 хитови). Најмлад женски изведувач што дошол на првото место на британската листа во 50-те години.
  • 1979 - Supertramp доаѓаат на врвот на американската албумска листа со 'Breakfast In America'.
  • 1948 - Роден е Tom Scott, саксофонист во L.A. Express, а соработувал и со Joni Mitchell, Carole King, Steely Dan. Компонирал и музика за филмови и ТВ шоуа.
  • 1949 - Роден е Dusty Hill, басист во ZZ Top.
  • Повеќе
Фреквенции
Скопје