ИФА Берлин е меѓународен саем кој се одржува во германската престолнина од 1924 година. Изложбата првенствено е посветена на развојот на радио и електронската технологија.
Од 1924 до 1939 година се одржувал секоја година, од 1950 година ИФА е настан кој се одржува на две години, за од 2005 повторно да започне да се одржува еднаш годишно, и тоа во септември.
Од историјата на овој саем издвојуваме - во 1931 физичарот Манфред вон Арден одржа јавна презентација на телевизиски систем со користење на катодна цевка за емитуивање и прием . 1935 компанијата АЕГ го претстави магнетофонот, а 1963 Филипс ја претстави првата аудио касета.
Приказната за ИФА започнува на 4 декември 1924 со првата “голема германска изложба”, со фокус врз радиото како нов медиум. На настанот присуствуваа 242 излагачи и 180.000 посетители на простор од околу 7.000 квадратни метри. Повеќе од 90 години подоцна на ИФА Берлин се приклучуваат телекомуникациите и ИТ експертите и тој прераснува во вистински мултимедијален трговски саем. Денес ИФА може да се пофали со изложбен простор од 150.000 квадратни метри и 240.000 посетители годишно.
На ИФА Берлин над 1600 изложувачи ги претставуваат најновите развојни решенија, а посетителите можат да се запознаат со новите уреди пред тие да се најдат на полиците во продавниците.
ИФА Берлин е еден од водечките светски саеми за потрошувачка електроника, куќни апарати и други апликации на технологијата и софтверот. Во период од шест дена во месец септември, во изложбениот простор на Берлинскиот саем, над 1600 изложувачи од 50-тина земји ги нудат своите услуги на продажните агенти, купувачите и експертите од индустријата. ИФА Берлин е исто така отворен за новинарите, потрошувачите и луѓето кои се заинтересирани за најновите технолошки трендови.
Меѓу изложувачите се некои од водечките продизводители на камери, телефони и сателитска навигација. Последните новини во светот на технологијата и софтверот како 3Д печатење, фитнес следење со вградени уреди и дронови исто така го имаат своето место на ИФА. Меѓу позвучните излагачи оваа година беа Бош, Канон, Епсон, Дојче телеком, Фуџицу Сименс, Хитачи, LG, Панасоник, Филипс, Самсунг, Олимпус, Сони, Тошиба.
ИФА Берлин годинава започна на 2 септември и привлече над 1.600 излагачи од околу 50 земји. Интересот за излагање беше толку голем што 26-те сали на традиционалната саемска локација во Берлин не беа доволни. Поради тоа, саемот по првпат се одржа на две локации во овој град.Свој посебен простор добија технолошките достигнувања од подрачјето на 3Д печатарството и роботиката.
Поради постојаното зголемување на бројот на излагачи и посетители, организаторите мораат да воведат нови концепти за да овозможат раст и развој на саемот. Така, IFA Global Markets e нов концепт основан само за деловните посетители и се одржа од 4 до 7 септември, истовремено со ИФА 2016. Организаторите посакуваат со платформата IFA Global Markets да креираат исклучиво деловно опкружување за B2B состаноци со лидерите во индустријата на забавната технологија и куќните апарати. IFA Global Markets се одржа на просторот Station Berlin, oддалечен 20-тина минути од Берлинскиот саем.
На ИФА саемот во Берлин доаѓаат трговци, ги гледаат новите производи, ги споредуваат, а на крајот тие производи ќе се најдат на полиците на продавниците на време за божикната и новогодишна шопинг треска. Така, според извештаите, минатата година трговците нарачале роба во вредност од над 4 милијарди евра.
Годинава во Берлин беа претставени многу нешта како автоматски пилоти во автомобилите, паметни телефони и часовници, виртуелна реалност, фрижисери со лични асистенти.
Корејскиот гигант Самсунг претстави повеќе производи – куќни апарати, екрани и уреди за забава. Но, она по што останаа најзабележани се по револуцијата во паметните часовници под називот gear3.
Acer акцентот го стави врз Swift7, првиот лаптоп потенок од сантиметар. Пофалби доби и новиот модел на леново од Yogi серијата.
Кога се работи за куќните апарати, како и минатите години, и оваа суверено владее Филипс. Револуција во автомобилската индустрија претстави компанијата ТомТом која го најави создавањето на првиот потполно автоматски авто-пилот.
28.09.2016