Антена 5 Вести

ИФА Лисабон: Трендови кај потрошувачката електроника

На ИФА глобалната прес конференција која се одржа во Лисабон од 20 до 23 април е најавен најголемиот европски саем на потрошувачка електроника и апарати за домаќинство, кој ќе се одржи од 1 до 6 септември во Берлин, Германија.

На претстојниот ИФА 2017 ќе бидат претставени производи кои се очекува дека ќе заинтересираат милиони потрошувачи кои во глобални рамки највеќе купуваат во текот на Новогодишните и божиќните празници. Меѓу нив се најавени ултра тенки ТВ екрани кои се втопуваат во ѕидовите, високо квалитетни хај-фај музички компоненти кои поседуваат оптимум звук, камери кои можат да снимаат во 360 степени, 3Д принтери и многу други нешта.

Во однос на квалитетот на ТВ сликата во 2017 е забележан значаен напредок во делот на светлоста, контрастот, длабочината на боите и аглите на гледање.

Меѓу новите трендови на ИФА се звучници кои примаат музика преку wifi или Bluetooth. Некои производители користат само еден безжичен систем, другите ги користат обата. Меѓу другите популарни одлики се комуникациски протоколи како Apple Airplay и Google Cast. Безжичните слушалки се користат се повеќе.

Гласовната контрола е тренд кој е присутен извесно време, како Siri, Alexa и слично. Се повеќе уреди во вмрежениот дом можат да бидат управувани преку гласовна контрола, а вештачката интелигенција ова го олеснува уште повеќе. Ботовите и дигиталните уреди ги учат командите на сопственикот и можат автоматски да го преземат еркондишн системот во целиот дом, на пример. Ова несомнено, ќе ги поттикне прашањата за безбедноста, па секако сите овие недоумици и опасности ќе бидат дискутирани на ИФА 2017.

Покрај паметните часовници, фитнес нараквиците и паметните телефони опремени со сензори, пристигнаа и паметните облеки кои можат да го набљудуваат движењето и виталните функции преку сензори закачени за сите делови на човечкото тело. Ова може да биде искористено за забава, спорт и игри, како и медицинска рехабилитација.

Повеќето посетители на ИФА 2017, како што е најавено, дома ќе си заминат со убав сувенир – минијатурен модел од себеси со помош на 3Д принтер. Оригиналот е репродуциран преку користење скенер кој собира податоци во 3Д.

05.05.2017
Музички времеплов
  • 1941 Роден е шпанскиот тенор Placido Domingo (1994 UK No.21 сингл со Jose Carreras и Luciano Pavarotti - 'Libiamo / La Donna E Mobile').
  • 1966 George Harrison се жени со Patti Boyd, а кум е Paul McCartney. George првпат ја сретнал Patti на снимањето на филмот на Beatles, ‘A Hard Days Night’.
  • 1984 USА No.1 Yes 'Owner Of A Lonely Heart'
  • 1976 Родена е Emma Bunton, Baby spice од Spice Girls и соло изведувачка.
  • 1950 Роден е Billy Ocean (1988 USА No.1 & UK No.3 'Get Out Of My Dreams Get Into My Car').
  • Повеќе
Фреквенции
Скопје