Антена 5 Вести

Liam Payne, Clean Bandit настапуваат на MTV европските музички награди

Листата со изведувачи за претстојните MTV европски музички награди стана побогата за уште четири имиња. Членот на One Direction, Liam Payne, американскиот рапер Travis Scott, мароканско-американската хип-хоп ѕвезда French Montana и британскиот електро состав Clean bandit ќе настапат на наградите, а на сцената ќе им се придружат Zara Larsson, Sean Paul, Anne-Marie и Julia Michaels.

Претходно беше соопштено дека на манифестацијата ќе настапат The Killers, Shawn Mendes, Demi Lovato, Camilla Cabello, Kesha, Stormzy и водителката на MTV EMA 2017 која ќе ја претстави својата нова песна.

Во улога на презентери се ангажирани James Bay, will.i.am и David Guetta, како и Natalie Dormer, Madison Beer i Sabrinа Carpenter.

MTV европските музички награди ќе се одржат на 12 ноември во Лондон.

Листата номинации ја предводи Taylor Swift која ќе се бори за шест награди, една номинација помалку има Shawn Mendes, а со по четири номинации следуваат Ed Sheeran и Kendrick Lamar.

За најдобар изведувач од MTV Adria регионот годинава се номинирани Sara Jo, Nicim Izazvan, Nina Kraljic, Marin Juric- Civro и Koala Voice.

Антена 5 и оваа година ќе биде присутна на MTV Europe Music Awards и подготвува програма посветена на најпрестижниот музички настан во Европа со јавувања во живо, интервјуа и извештаи пласирани во својата радио програма и преку своите друштвени платформи.

28.10.2017
Музички времеплов
  • 1926 - Роден е џезерот и композитор Miles Davis. Бил големо влијание во џез музиката.
  • 1985 - Dire Straits го добиваат вториот британски бр. 1 албум 'Brothers In Arms', бр. 1 и во САД и во уште 24 други земји. Се продава во над 20 милиони копии во светски рамки.
  • 1991 - Michael Bolton доаѓа на првото место на британската албумска листа со 'Time, Love and Tenderness'.
  • 1958 - Роден е пејачот, текстописец и гитарист во The Jam и познат соло изведувач, Paul Weller.
  • 1973 - Carole King настапува во Central Park во Њујорк и привлекува 100.000 публика.
  • Повеќе
Фреквенции
Скопје