Антена 5 Вести

U2 – MTV EMA Глобални икони

Добитници на наградата “Глобална икона” за 2017 која ќе се додели во рамките на MTV европските музички награди се ирските рок легенди U2. Добитници на оваа награда во минатото се Whitney Houston, Eminem, Queen, Green Day.

Одбележувајќи ја почеста, во сабота, еден ден пред одржувањето на MTV европските музички награди, ирскиот бенд ќе настапи на лондонскиот плоштад Трафалгар. Тие ќе бидат дел од посебната вечер насловена MTV Presents Trafalgar Square на која се очекуваат некои од најголемите имиња во светот на музиката. Дел од настапот на U2 ќе биде емитуван во текот на церемонијата на доделувањето на MTV европските музички награди, во недела, на 12 ноември во Вембли Арената.

Ирските легенди неуморно музицираат 39 години, издадоа 13 студиски албуми, освоија огромен број на награди и продадоа над 170 милиони примероци од своите албуми.

Во 2017 заминаа на турнеја одбележувајќи ја 30-годишнината од нивниот легендарен албум “The Joshua Tree”. Во септември 2017 ја издадоа “You’re the Best Thing About Me”, како прв сингл од албумот “Songs of Experience”, кој се очекува во декември.

08.11.2017
Музички времеплов
  • 1980 - Во интервју, членот на Rolling Stoneѕ, Bill Wyman, најавува дека ќе ја напушти групата по две години, на нивната 20-годишнина од опстојувањето. Сепак ќе си замине од групата дури по 11 години.
  • 1989 - Debbie Gibson започнува 5-неделен престој на првото место на американската албумска листа со 'Electric Youth'.
  • 1965 - UK No.1 The Kinks 'Tired Of Waiting For You'
  • 2000 - Американскиот суд јавно објавува документи на ФБИ, преку кои се открива дека John Lennon ги поддржувал ирските републиканци. Британската влада барала ваквите документи да останат тајни.
  • 1962 - На викенд паузата од тренинзите со маринците, Everly Brothers настапуваат во шуто на Ed Sullivan, облечени во униформи со кратко потсрижени фризури, и го пеат новиот сингл 'Crying In The Rain'.
  • Повеќе
Фреквенции
Скопје