Антена 5 Вести

Rag’n’Bone Man ќе настапи на Brit Awards

Минатогодишниот добитник на Critic’s Choice наградата, Rag’n’Bone Man се приклучи кон листата изведувачи на Британските музички награди.

Британскиот пејач, чие вистинско име е Rory Graham, има успешна година зад себе – неговото прво студиско издание “Human” дебитираше на 21 место на британската албумска листа и стана најбрзо продаваниот деби албум на британски машки изведувач во последната деценија. Освен тоа, минатата година на престижната манифестација ја освои и наградата за Најдобар британски нов изведувач, а настапи и на повеќе музички фестивали меѓу кои Exit во Нови Сад.

Rag’n’Bone Man се приклучува кон листата изведувачи составена од Foo Fightеrs, Ed Sheeran, Sam Smith, Dua Lipa и Stormzy.

Британските музички награди ќе се одржат на 21 февруари во лондонската O2 Арена. Водител на манифестацијата ќе биде британскиот комичар Jack Whitehall.

Антена 5 и оваа година ќе ги емитува во живо Британските музички награди и подготвува специјална програма со јавувања во живо, интервјуа и извештаи пласирани во својата радио програма и преку своите друштвени платформи.

16.01.2018
Музички времеплов
  • 1941 - Роден е Gene Pitney (1962 USА No.4 'Only Love Can Break A Heart', 1967 UK No.5 & 1989 UK No.1 'Something's Gotten Hold Of My Heart' и уште 15 други USА & UK Top 40 хитови).
  • 1960 - Elvis Presley ја добива првата златна плоча за 'Elvis'.
  • 1970 - На концерт во лондонскиот Royal Albert Hall, Joni Mitchell објавува дека ќе се пензионира од настапите во живо. Сепак на крајот од годината повторно ќе одржи концерт.
  • 1972 - Роден е Billie Joe Armstrong, гитарист и вокалист во Green Day (1995 UK No.7 ‘Basket Case’, албумот од 1994 година, Dookie им се продава во над 10 милиони копии).
  • 1960 - Everly Brothers потпишуваат договор со Warner Brothers Records вреден 1 милион долари.
  • Повеќе
Фреквенции
Скопје