Настани

MTV EMA 2016

06.11.2016 20:00 - 06.11.2016 23:00

MTV европските музички награди 2016 се одржаа на 6 ноември во Ротердам. Ова беше трет пат наградите да се одржат во Холандија, а вторпат во Ротердам. Водителка на спектаклот во Ротердам Ахој арената беше Bebe Rexha, која го отвори шоуто.

Големите победници на вечерта беа Lady Gaga и Justin Bieber, освојувајќи по две награди. Манифестацијата помина и во знак на прерано починатата ѕвезда Prince,  па во негова чест статуетките кои ги добиваа победниците беа со пурпурна боја.

Во текот на двочасовното шоу публиката можеше да ужива во голем број настапи – Bruno Mars ja изведе “24 Magic”, DNCE се претставија со медли од “Body Moves” и “Cake By The Ocean“. Популарниот диџеј и продуцент Martin Garrix, кој вечерта беше крунисан во Најдобар електронски изведувач, заедно со Bebe Rexha ja изведе “In The Name Of Love”. Shawn Mendes, ги остави без здив тинејџерите со “Mercy”, a вечерта ја прими и наградата за Најдобар машки изведувач. Zara Larsson беше прогласена за Најдобар нов изведувач и изведе медли од “Lush Life” и “Ain’t My Fault”. The Weeknd имаше ѕвездена изведба на големиот хит “Starboy”.  Американскиот рок бенд One Republic ja изведе “Let’s Hurt Tonight”. Lukas Graham ja забавуваа публиката со “7 Years” и “You’re Not Here”. Kings of Leon ja изведоа Waste A Moment, a домашната диџеј ѕвезда Afrojack се одлучи за медли од “Gone” и “Hey”.

Green Day настапија двапати – првин ја изведоа “Bang Bang”, а потоа го затворија шоуто како добитници на наградата Глобални икони која им беше врачена од актерот Idris Elba, по што следуваше извонредната изведба на нивната класика “American Idiot”.

Листа на награди

  • Најдобра песна - Justin Bieber - Sorry
  • Најдобар женски изведувач - Lady Gaga
  • Најдобар машки изведувач - Shawn Mendes
  • Најдобар спот - The Weeknd ft Daft Punk - Starboy
  • Најдобар изведувач во живо - Twenty One Pilots
  • Најдобар нов изведувач - Zara Larsson
  • Најдобар поп изведувач - Fifth Harmony
  • Најдобар рок изведувач - Coldplay
  • Најдобар push изведувач - DNCE
  • Најдобар имиџ - Lady Gaga
  • Најдобар world stage изведувач- Martin Garrix
  • Најдобар електронски изведувач - Martin Garrix
  • Најдобар хип-хоп изведувач - Drake
  • Најголеми фанови - Justin Bieber

Глобални икони - Green Day

Музички времеплов
  • 1972 - Paul и Linda McCartney се уапсени во Шведска зашто поседувале дрога.
  • 1944 - Родена е Estelle Bennett од Ronettes, познати по хитот 'Be My Baby'.
  • 1947 - Роден е Don Henley, тапанист и воклаист во Eagles и соло изведувач. 'The Boys of Summer'
  • 1989 - Courtney Love стапува во брак со првиот сопруг James Moreland, вокалист во бендот Leaving Trains.
  • 1979 - Little Richard, сега познат како пречесниот Richard Pennman зборува за лошите духови на рокенрол музиката, изјавувајќи: 'Ако Господ може да спаси еден стар хомосексуалец како мене, може да го спаси секого'.
  • Повеќе
Фреквенции
Скопје