Антена 5 Вести

Killers, Shawn Mendes и Camila Cabello на MTV EMA

MTV објави петмина изведувачи кои ќе настапат на претстојното доделување на MTV европските музички награди. Тоа се: познатиот рок состав The Killers, поп ѕвездите Demi Lovato, Shawn Mendes, Kesha, Camila Cabello и популарниот рапер Stormzy.

Претходно беше објавено дека водителката на манифестацијата Rita Ora ќе изведе една своја нумера.

Канадската ѕвезда Shawn Mendes е номиниран во дури пет категории меѓу кои Најдобар изведувач и Најдобра песна (“There’s Nothing Holdin’ Me Back”). Kesha и Camila Cabello ќе ги одмерат силите во категоријата Најдобар поп изведувач, а The Killers конкурираат за Најдобар рок изведувач. Британската рап сензација Stormzy e во трка за Најдобар изведувач од Британија и Ирска.

За најдобар изведувач од MTV Adria регионот годинава се номинирани Sara Jo, Nicim Izazvan, Nina Kraljic, Marin Juric- Civro и Koala Voice.

MTV европските музички награди ќе се одржат на 12 ноември во Лондон.

Листата номинации ја предводи Taylor Swift која ќе се бори за шест награди, една номинација помалку има Shawn Mendes, а со по четири номинации следуваат Ed Sheeran и Kendrick Lamar.

Антена 5 и оваа година ќе биде присутна на MTV Europe Music Awards и подготвува програма посветена на најпрестижниот музички настан во Европа со јавувања во живо, интервјуа и извештаи пласирани во својата радио програма и преку своите друштвени платформи.

21.10.2017
Музички времеплов
  • 1984 - UK No.1 George Michael 'Careless Whisper'
  • 1952 - Роден е актерот и пејач Patrick Swayze (1988 USА No.3 & UK No.17 'She's Like The Wind' - дует со Wendy Fraser).
  • 1979 - USА No.1 Chic 'Good Times'
  • 1976 - Variety' известува дека Marvin Gaye добил двапати по 5 дена престој во затвор во Лос Анџелес, зашто одбегнал да плати алиментација за своите деца.
  • 1992 - Kurt Cobain станува татко, откако неговата сопруга Courtney Love раѓа ќерка.
  • Повеќе
Фреквенции
Скопје