Антена 5 Вести

Eminem ќе настапи на MTV Europe Music Awards

Само еден ден по објавувањето на новиот сингл “Walk On Water” на Eminem во соработка со Beyonce, објавено е дека раперот ќе се приклучи кон изведувачите на MTV Europe Music Awards кои ќе се одржат на 12 ноември во Лондон.

Се уште нема потврда дали на сцената ќе му се приклучи и Beyonce, но неговите фанови секако се израдуваа на веста дека по подолга пауза еден од највлијателните рапери ќе се врати на музичката сцена. Освен што ќе го изведе својот најнов сингл, Eminem е номиниран во две категории – Најдобар хип-хоп изведувач и Најдобар изведувач во живо.

Ова ќе биде негово четврто појавување на наградите. Последен пат настапи во 2013 во Амстердам кога ги изведе “Rap God” и “Berzerk” од неговиот последен албум “The Marshall Mathers LP2”. Тогаш беше добитник на наградата Глобална икона, а исто така победи во категоријата најдобар хип-хоп изведувач.  Во 2004 во Рим ги изведе “Like Toy Soldiers”/”Just Lose It”, а во 2002 во Барселона со “Cleanin’ Out My Closet”/”Lose Yourself”.

Eminem е еден од најуспешните изведувачи во историјата на MTV европските музички награди – може да се пофали со 35 номинации и 15 освоени награди.

Неодамна некои медиуми во Детроит, неговиот роден град, известија дека одржува проби за настапот во Лондон заедно со Skylar Gray, која е копродуцент на новиот сингл заедно со Rick Rubin.

Oва е прв сингл од новиот албум на Еминем, “Revival”, кој ќе се издаде наскоро.

11.11.2017
Музички времеплов
  • 1994 USА No.1 Bryan Adams, Rod Stewart & Sting 'All For Love'
  • 1965 Роден е Roachford (1989 UK No.4 'Cuddly Toy').
  • 1994 UK No.1 D:Ream 'Things Can Only Get Better'
  • 1931 Роден е американскиот соул пејач Sam Cooke (1957 USА No.1 & UK No.29 ‘You Send Me’ & 1986 UK No.2 ‘Wonderful World’).
  • 1947 - Роден е Malcolm Mclaren, менаџер на Sex Pistols и соло изведувач (1983 UK No.3 'Double Dutch').
  • Повеќе
Фреквенции
Скопје