Минатогодишниот добитник на Critic’s Choice наградата, Rag’n’Bone Man се приклучи кон листата изведувачи на Британските музички награди. Британскиот пејач, чие вистинско име е Rory Graham, има успешна година зад себе – неговото прво студиско издание “Human” дебитираше на 21 место на британската албумска листа и стана најбрзо продаваниот деби албум на британски машки изведувач во последната деценија.

Ова не е првата соработка помеѓу Maroon 5 и Kendrick Lamar. Сигурно се сеќавате на заедничката песна од 2013 година, “YOLO”. Сепак се чини дека се поуспешни во “Don’t Wanna Know”, сингл кој ќе се најде на новиот албум на бендот.

Британската ѕвезда Adele триумфираше на доделувањето на 59. Греми музички награди во Лос Анџелес, освојувајќи ги сите пет категории во кои беше номинирана. Adele ги освои наградите за најдобар албум, снимка и песна на годината, за “25” и “Hello”. Со тоа стана и првиот изведувач во историјата на Греми наградите кој двапати ги освоил најпрестижните три награди, повторувајќи го успехот од 2012 со албумот “21”. Adele сега поседува вкупно 15 Греми награди.

Најдобриот светски тенисер, Новак Ѓоковиќ со победа ја почна одбраната на титулата на АТП турнирот во Париз. Србинот во 2.коло го совлада Бразилецот Томаш Белучи со 2-0, по сетови 7:5 и 6:3.

Филмскиот мјузикл “La La Land” е големиот победник на британските филмски награди БАФТА кои се одржаа на 12 февруари во Лондон. Филмот во режија на Damien Chazelle освои пет од 11-те номинации, меѓу кои за Најдобар филм, Најдобра режија и Најдобра женска главна улога. Големиот губитник на вечерта, пак, беше “Nocturnal Animals” кој од 11-те номинации не успеа да освои ниту една. Нешто поблада судбина имаше “Arrival” на Denis Villeneuve кој од деветте номинации освои само една награда