По Elton John и David Bowie, специјалната Brits Icon Award ќе му припадне на Robbie Williams, најуспешниот изведувач на Британските музички награди.
Robbie ќе ја прослави наградата со специјален концерт на 7 ноември во Troxy во Лондон кој се очекува да биде прикажан на ITV во декември.
“Вистинска чест е да се добие оваа награда и едвај чекам да ги отпеам песните од новиот албум и од мојот репертоар на 7 ноември. Brit Awards се многу посебни за мене и сум почестен да ја добијам 18 награда во мојата кариера следниот месец”, изјави денес рекордерот во добиените Brits статуетки.
Brits Icon Award е најпрестижната награда во британската музичка индустрија која се доделува на изведувачи чие творештво, песни и настапи оставиле трага на британската култура.
Новиот албум на Robbie Williams, Heavy Entertainment Show, ќе излезе во продажба на 4 ноември.
04.10.2016