Антена 5 Вести

U2 – MTV EMA Глобални икони

Добитници на наградата “Глобална икона” за 2017 која ќе се додели во рамките на MTV европските музички награди се ирските рок легенди U2. Добитници на оваа награда во минатото се Whitney Houston, Eminem, Queen, Green Day.

Одбележувајќи ја почеста, во сабота, еден ден пред одржувањето на MTV европските музички награди, ирскиот бенд ќе настапи на лондонскиот плоштад Трафалгар. Тие ќе бидат дел од посебната вечер насловена MTV Presents Trafalgar Square на која се очекуваат некои од најголемите имиња во светот на музиката. Дел од настапот на U2 ќе биде емитуван во текот на церемонијата на доделувањето на MTV европските музички награди, во недела, на 12 ноември во Вембли Арената.

Ирските легенди неуморно музицираат 39 години, издадоа 13 студиски албуми, освоија огромен број на награди и продадоа над 170 милиони примероци од своите албуми.

Во 2017 заминаа на турнеја одбележувајќи ја 30-годишнината од нивниот легендарен албум “The Joshua Tree”. Во септември 2017 ја издадоа “You’re the Best Thing About Me”, како прв сингл од албумот “Songs of Experience”, кој се очекува во декември.

08.11.2017
Музички времеплов
  • 1969 - L.A. Free Festival во California завршува со 117 уапсени уште пред официјално да започне.
  • 1999 - Billy Joel го има последниот јавен поп концерт. Во иднина планира да и се посвети на класичната музика.
  • 1985 - UK No1 USA For Africa “We Are The World” 2 w.
  • 1991 - USA No1 Wilson Phillips “You’re In Love” 1 w.
  • 2003 - на 70 години починува џез легендата Nina Simone.
  • Повеќе
Фреквенции
Скопје