Настани

MTV Europe Music Awards 2015

25.10.2015 20:00 - 25.10.2015 23:00

Најпрестижната ноќ во европскиот музички календар се одржа на 25 октомври во Милано Италија, на две локации – Медоиланум форумот и плоштадот Дуомо. Големиот победник на вечерта беше Justin Bieber, кој освен што настапи, освои и пет награди.

Сепектаклот го отворија Macklemore & Ryan Lewis со “Downtown”, песната која ја освои наградата за Најдобар спот, а на сцената видовме мопеди и Eric Nally како лета.

Крајот на шоуто беше резервиран за Pharrell Williams и моќната изведба на неговата нумера “Freedom”. Фановите кои беа на плоштадот Дуомо држеа огромно платно со димензии 23x16 м, со натписот “слобода“. Платното ги содржеше сите национални знамиња на светот, како симбол на раѓањето на утописка држава без граници, со што наедно започна и MTV Freedom кампањата насочена кон подигање на јавната свест, активизмот и собирање донации за актуелната бегалска криза.

Ed Sheeran имаше прилично активна вечер – тој беше водител на манифестацијата, освои две награди и настапи заедно со Rudimental качен на ретро радија на сцената за фанки изведбата на “Lay It All On Me”.

Oддавајќи почит на земјата домаќин на наградите, Andrea Bocelli го изведе неговиот хит “Time To Say Goodbuy”, a потоа со новата американска надеж Tori Kelly го отпеа хитот на Pink, “Just Give Me A Reason”.

Jason Derulo ja изведе “Want To Want Me”, oкупирајќи ги сите три сцени во салата заедно со неговата трупа танчери.

Ellie Goulding се појави од голем дијамант за светкавата изведба на “Love Me Like You Do”.

Легендарната британска група Duran Duran ја освоија првата Видео Визионери награда.

MTV Push ѕвездите Jess Glynne и James Bay имаа одлични настапи, а пред плоштадот Дуомо публиката ја забавуваа twenty one pilots, како и диџеј ѕвездите Martin Garrix и Afrojack.

Шоуто заврши со објавување на градот домаќин на MTV Europe Music Awards во 2016 – Ротердам, Холандија.

Музички времеплов
  • 2003 - Лидерот на Coldplay, Chris Martin е обвинет за напад на фотограф во Австралија, кој сакал да го слика додека сурфал.
  • 1946 - Роден е Barry Whitwam, тапанист во Herman's Hermits. 'I'm Into Something Good'
  • 1996 - Раперот NAS започнува 4-неделен престој на првото место на американската албумска листа со 'It Was Written'. If I Ruled The World
  • 2002 - Во сообраќајка загинуваат пордуцентот Gus Dudgeon и неговата сопруга Sheila. Dudgeon е најпознат по соработката со Elton John.
  • 2004 - По долга борба со ракот, на 75 години умира композиторот Jerry Goldsmith, најпознат по музиката за серијата ‘Ѕвездени патеки’.
  • Повеќе
Фреквенции
Скопје