Настани

MTV EMA 2018

04.11.2018 20:00 - 04.11.2018 23:00

Најспектакуларната ноќ во европскиот музички календар

На 4 ноември во Билбао, Шпанија, се одржа 25-тото издание на MTV европските музички награди – манифестација која секоја година се одржува во друг град и која е препознатлива по спектакуларните настапи. По Барселона во 2002 и Мадрид во 2010 ова беше третпат наградите да се одржат во Шпанија.

Во Билбао беше присутно  и Антена 5 радио со своја екипа која известуваше од големиот број настани во рамките на MTV музичката недела, од црвениот тепих непосредно пред самите награди и од Бискаја Арената во Конгресниот центар Билбао каде се одржаа наградите.

Големиот победник на вечерта беше кубанско-американската ѕвезда Камила Кабело. Некогашната членка на Fifth Harmoni освои 4 награди – Најдобар изведувач, Најдобра песна и Најдобар спот (Havana) и Најдобар американски изведувач. Меѓу наградените беа и Дуа Липа, Ники Минаж, Маршмело.

Водител на манифестацијата беше талентираната американска актерка и пејачка Хајли Стајнфелд која промени неколку креации, а во еден момент во духот на постмодерната уметничка тема на вечерта беше прскана со боја од роботи.

Шоуто го отвори кралицата на хип-хопот Ники Минаж која се спушти со црн кафез на сцената изведувајќи ја Good Form, пред да се приклучи на британскиот женски бенд  Little Mix за заедничката соработка Woman Like Me. Но, ова не беше единствениот настап на раперката таа вечер. Таа ги здружи силите и со француската диџеј ѕвезда Дејвид Гета и Џејсон Деруло за една од највпешатливите изведби на вечерта која започна со Деруло како ги покажува своите оперски способности во нивната изведба на заедничкиот сингл “Goodbuy”.

Американската музичка икона Џенет Џексон ја доби наградата Глобална икона и на 52-годишна возраст покажа дека се уште е одлична танчерка во кореографски напорната точка изведувајќи медли од своите хитови и новиот сингл “Made For Now”. Примајќи ја наградата таа повика на крај на половата нееднаквост и дискриминацијата врз религиска основа.       

Биби Рекса ја изведе “I’m A Mess” лежејќи во када опркужена од болничарки и танчери, Halsey имаше емотивен настап, врзана за ланец во стаклен кафез исполнет со вода, Џек енд Џек ја имаа највеселата изведба на вечерта полна со акробации, додека големото финале беше резервирано за Маршмело и неговите соработки со Бастиј и Ен Мари.

Годинава за првпат беше доделена и наградата Генерациски промени со цел да им се пружи поддршка на бестрашните оригинални млади личности кои го менуваат светот. Петтмина носители на промени од разни страни на светот, сите под 26 годишна возраст, беа одликувани со оваа награда.

MTV европските музички награди беа на врвот на трендинг листата во глобални рамки цели пет часа, а Билбао се покажа како одличен домаќин. Својата воодушевеност од него и Шпанија преку друштвените мреѓи ја споделија камила Кабело, Ники Минаж, Дејвид гета Џенет Џексон.

Непосредно пред наградите музичката телевизија гопрезеде градот организирајќи повеќе настани кулминирајќи со концерт на 3 ноември на прекрасниот стадион Сан Мамес со Crystal Fighters и Muse.

 

Листа на награди

Најдобар изведувач – Камила Кабело

Најдобар спот -  Камила Кабело, “Havana”

Најдобра песна -  Камила Кабело, “Havana”

Најдобар поп изведувач – Дуа Липа

Најдобар нов изведувач – Карди Би

Најдобар имиџ – Ники Минаж

Најдобар хип-хоп изведувач – Ники Минаж

Најдобар изведувач во живо – Шон Мендес

Најдобар рок изведувач – 5 Seconds of Summer

Најдобар алтернативен изведувач – Panic at the Disco

Најдобар електронски изведувач – Маршмело

Најголеми фанови – BTS

Push изведувач – Грејс Вандервал

World stage изведувач – Aлесија Кара

Музички времеплов
  • 2002 - USА No.1 Ja Rule feat. Ashanti 'Always On Time'
  • 1968 - Компилацијата на Diana Ross & Supremes, 'Greatest Hits', започнува тринеделен престој на првото место на британската албумска листа.
  • 1970 - На концерт во лондонскиот Royal Albert Hall, Joni Mitchell објавува дека ќе се пензионира од настапите во живо. Сепак на крајот од годината повторно ќе одржи концерт.
  • 1979 - Blondie го добиваат првиот британски бр.1 албум 'Parallel Lines', на кој се хитовите 'Heart Of Glass', 'Hanging On The Telephone' и 'Sunday Girl'.
  • 1960 - Everly Brothers потпишуваат договор со Warner Brothers Records вреден 1 милион долари.
  • Повеќе
Фреквенции
Скопје