Антена 5 Вести

The 1975 ќе настапат на Brit Awards

Најдобро приодаваниот британски бенд во моментов, The 1975 ќе настапи на Британските музички награди, приклучувајќи им се на George Ezra, Little Mix и Jorja Smith на листата изведувачи.

“Почестени сме што сме номинирани во две категории за претстојните Британски музички награди и возбудени сме што ќе се вратиме во О2 Арената за да настапиме на сцената. Шоуто ќе биде извонредно,“ се вели во изјавата потпишана од момците.

Бендот The 1975 годинава e номиниран за Најдобра британска група, категорија која ја освоија во 2017, како и за Најдобар британски албум на годината. Своето трето студиско издание 'A Brief Inquiry Into Online Relationships' го објавија во ноември 2018, наедно освојувајќи ја британската албумска листа по трет пат. Оваа четворка од Манчестер во моментов е на турнеја низ Британија, а наскоро ги очекуваат и концерти во глобални рамки.

39-тото издание на Британските музички награди ќе се одржи на 20 февруари во O2 Арената во Лондон и ќе се емитува во живо на Антена 5 радио. Номинациите за наградите беа објавени кон средината на јануари, а листата со по 4 номинации ја предводат Anne-Marie и Dua Lipa. Домаќин на манифестацијата е актерот и комичар Jack Whitehall.

22.01.2019
Музички времеплов
  • 1990 - Bill Wyman објавува дека завршува неговиот 17-месечен брак со со моделката Mandy Smith.
  • 1976 - Jerry Lee Lewis уапесен е зашто возел во пијана состојба и направил сообраќајка.
  • 1980 - Abba го добиваат шестиот британски бр.1 албум 'Super Trouper'.
  • 2004 - Вокалистот на Oasis, Liam Gallagher, добива казна од 50.000 евра зашто се степал во германски хотел. Во тепачката ги губи двата прени заби, поради што групшата ја откажува германската турнеја.
  • 1997 - Пејачот на INXS, Michael Hutchence, пронајден е мртов во хотелска соба во Сиднеј. Бил сосема гол и најверојатно претходно се обесил со сопствениот ремен.
  • Повеќе
Фреквенции
Скопје