Мултиплатинестиот канадски изведувач, The Weeknd, ќе настапи во недела, 6 ноември, на MTV Europe Music Awards во Ротердам. За прв пат во живо пред интернационална публика ќе ја испее насловната песна од новиот албум Starboy кој ќе излезе во продажба на 25 ноември. Со видеото за Starboy номиниран е во категоријата Best Video, а ќе се бори и за наградата за Најдобар машки изведувач.
Освен The Weeknd, на шоуто ќе настапат и водителката Bebe Rexha, добитниците на наградата за Глобални икони, Green Day, како и Bruno Mars, OneRepublic, Martin Garrix, Afrojack, Shawn Mendes, DNCE, Lukas Graham и Zara Larsson. Во улога на презентери на награди ќе се појават G-Eazy, Jaden Smith, Jourdan Dunn, Winnie Harlow, Deepika Padukone, Nina Dobrev, Charli XCX, Tinie Tempah и Idris Elba.
МТВ Европските музички награди ќе бидат доделени во недела во Ahoy Rotterdam, a може да ги следите во живо на регионалниот МТВ канал во 21 часот. Екипата на Антена 5 и оваа година ќе биде и на црвениот тепих.
03.11.2016