Настани

D Festival 2016

15.07.2016 20:00 - 17.07.2016 23:59

6-тото издание на Д фестивалот во Дојран се одржа од 15 до 17 јули 2016. Тридневниот музички маратон понуди педесетина домашни и странски изведувачи кои настапија на пет фестивалски бини.

Меѓу годинешните ѕвезди беа Sigma, Roger Sanches, Toy dolls, Бернајс пропаганда, Дубиоза Колектив, Хладно пиво, Лолобриџида, Паркети, Чиста Околина.

Годинава покрај главната фестивалска бина на паркингот Гранит, Москито бината во фестивалскиот камп, фестивалот понуди и нова концертна локација Church Stage - во црквата „Свети Илија“ во Стар Дојран, на падините над фестивалскиот камп. Таму настапија Елена Христова од етносоставот „Баклава“ и виртуозот на канон Ибрахим Џенгис, како и „Љубојна“ со проектот „Акустично глаголицирање или Љубојна на тацна“.

Програмата на Lake Awake бината, пак, беше посветена на електронската музика.

Во рамките на фестивалот беа организирани и рекреативни активности како Зумба, Јогалатес, Аеробик, Бабл фудбал, стоечко веслање, арт активности како базари, работилници и проекции на документарци во рамките на Македокс патувачкото кино

„Д Фестивал“ годинава се одржува во рамки на манифестацијата „Дојран - град на културата 2016“.

Музички времеплов
  • 1992 - UK No.1 Snap! 'Rhythm Is A Dancer'
  • 1949 - Роден е Airrion Love, вокалист во Stylistics (1975 USА No.1 'You Make Me Feel Brand New', 1975 UK No.1 'Can't Give You Anything But My Love' и уште 15 други британски топ 40 хитови).
  • 1959 - Роден е Rikki Rockett од Poison (1988 USА No.1 & 1989 UK No.13 'Every Rose Has Its Thorn').
  • 1927 - Роден е поп артистот и продуцент Andy Warhol, основач на т.н. Pop Art движење. Бил продуцент и менаџер на Velvet Underground. Ја дизајнирал излупената банана на обвивката од албумот на Velvet Underground од 1967 година, а ја создал и обвивката на албумот 'Sticky Fingers' на Rolling Stones.
  • 1992 - USА No.1 Madonna 'This Used To Be My Playground'
  • Повеќе
Фреквенции
Скопје