Антена 5 Вести

Rod Stewart ќе ги затвори Brit Awards

Rod Stewart ќе го затвори престојното издание на Британските музички награди со специјален настап!

Ова ќе биде вторпат музичката легенда да настапи на наградите, по 1993 кога исто така му беше врачена наградата за Особен придонес кон музиката.

Stewart се смета за еден од најголемите рокенрол ѕвезди на сите времиња со фантастична кариера во рамките на која може да се пофали со десет бр.1 албуми и 26 топ 10 синглови во Британија. Неговите албуми се продадени во тираж од над 250 милиони примериоци во глобални рамки.

Оваа музичка легенда е се уште активна. Во 2019 го издаде албумот 'You're In My Heart: Rod Stewart With The Royal Philharmonic Orchestra', кој се пласираше на 1 позиција на британската албумска листа каде остана три недели.

Меѓу големите хитови на Stewart се вбројуваат 'Gasoline Alley', 'Every Picture Tells a Story', 'Mandolin Wind', 'You Wear It Well',  roj'The Killing of Georgie', 'Tonight's the Night', 'You're In My Heart (The Final Acclaim)', 'Do Ya Think I'm Sexy?'', 'Maggie May' ...

Британските музички награди ќе се одржат во лондонската О2 Арена на 18 февруари. На наградите ќе настапат уште Billie Eilish, Celeste, Dave, Harry Styles, Lewis Capaldi, Lizzo, Mabel и Stormzy!

Антена 5 радио ќе биде присутна во Лондон за наградите со своја екипа и подготвува, како и секогаш, специјална програма посветена на најзначајната ноќ во британскиот музички календар која ќе биде пренесувана во живо.

12.02.2020
Музички времеплов
  • 1986 - Магазинот News Of The World објавува интервју со 16-годишната моделка Mandy Smith, која открива дека имала две ипол годишна афера со членот на Rolling Stoneѕ, Bill Wyman.
  • 2000 - На 76 години умира Maurice Kinn, издавачот што го лансира магазинот New Musical Express и го поттикнал создавањето топ листа на база на продажба на сингловите.
  • 1966 - Родена е Shirley Manson, вокалистка во Garbage. 'Stupid Girl'.
  • 1971 - Paul McCartney објавува формирање на својата нова група Wings со сопругата Linda и со поранешниот член на Moody Blues, Denny Laine.
  • 2001 - Еден од соновачите на групата 5th Dimension, Ron Townson, умира на 68 години поради откажување на работата на бубрезите. Во негова чест ова е хитот Aquarious.
  • Повеќе
Фреквенции
Скопје