Најголемиот музички настан во годината, 52-то доделување на Греми наградите е во недела (31 јануари) во Лос Анџелес со почеток 20 часот (по источно-американско време).

Beyonce има најмногу, 10 номинации, а по неа следува Taylor Swift со 8. Во главните категории (Песна, Снимка и Албум на годината) се борат и Black Eyed Peas, Dave Matthews Band и Kings Of Leon. Се очекува во дует да настапат Lady Gaga и Elton John, Mary J Blige и Andrea Bocelli, Beyonce ќе настапи со микс од If I Were A Boy и You Oughta Know на Alanis Morissette, a Black Eyed Peas ќе ги изведат хитовите "I Gotta Feeling" и "Imma Be". Една од наградите за животно дело ќе му биде доделена на Michael Jackson. Во негова чест Celine Dion, Usher, Carrie Underwood, Jennifer Hudson и Smokey Robinson ќе ја изведат Earth Song и тој дел на американските телевизии ќе може да се гледа во 3Д формат.

Преносот од доделувањето на Греми наградите ЕКСКЛУЗИВНО го следите на Антена 5 во недела (31 јануари) кон понеделник (1 февруари) во 2 часот по полноќ (по средно-европско време).