Музички Вести

Збогување со Pete Burns

Пејачот на Dead or Alive, Pete Burns, почина од срцев удар, на 57-годишна возраст.

Burns е роден 1959 во Англија. Училиштето го напуштил на 14-годишна возраст и едно време работел во музичката продавница Probe Records во Ливерпул.

Во 1977 година соработувал со локалната група Mystery Girls. Две години подоцна го основал бендот Nightmares in Wax кој по само едно EP го промени името во Dead or Alive. Снимија серија синглови пред да постигнат голем успех со  “You Spin Me Round (Like a Record)”  кој беше бр.1 во Британија и Канада.

Burns беше познат и по својот андроген стил и прогресивниот пристап кон родовата определба. Често се облекуваше во женска облека, а беше и вистински зависник од пластичната хирургија. Како што изјави самиот, имал околу 300 операции, главно на лицето, а во 2006 во текот на операцијата на носот замалку ќе го загубеше животот. Но, оваа опсесија доведе и до негов банкрот откако мораше да плати огромна сума за санирање на последниците на неуспешната операција на усните.

Што се однесува до неговиот приватен живот, во 1978 се венча со фризерката Lynne, од која се раздели во 2006. Кратко потоа, Burns се венча со својот партнер Michael Simpson поканувајќи ги ТВ екипите на својата свадба.

27.10.2016
Музички времеплов
  • 1967-магазинот "New Musical Express" објавува дека Stevie Winwood и неговиот брат Muff ќе ги напуштат Spencer Davis Group по 4 годишно членување. Winwood подоцна ќе биде дел од основачите на Traffic.
  • 1982-магазинот Rolling Stone известува дека синот и ќерката на Frank Zappa, Dweezil и Moon Unit оформиле бенд наречен Fred Zeppelin. Првиот сингл им е наречен "My Mother is a Space Cadet."
  • 1944-во Охајо роден е Bobby Womack. Неговата песна It’s All Over Now е еден од првите хитови на Rolling Stones
  • 1978-Too Much, Too Little, Too Late на Johnny Mathis и Denice Williams влегува на американската соул листа, а подоцна доаѓа до местото бр1, каде останува 4 недели.
  • 1963-роден е Jason Newsted од Metallica
  • Повеќе
Фреквенции
Скопје