Настани

Д фестивал 2019

12.07.2019 21:00 - 14.07.2019 23:59

Д ФЕСТИВАЛ, единствениот летен музички фестивал во земјава, се одржа од 12 до 14 јули 2019 во Дојран. На деветтото издание низ фестивалските порти поминаа околу 30.000 посетители кои пристигнаа од 15 земји, со што е постигнат и нов рекорд на Фестивалот.

Меѓу изведувачите кои настапија на досега најуспешното издание на фестивалот беа  КИРИЛ ЏАЈКОВСКИ  во придружба на Lion D  и TK WONDER,OFENBACH, NOISIA,TOM NOVY. MAHMUT ORHAN, NAPALM DEATH, HINDI ZAHRA, AKUA NARU, ВЛАТКО СТЕФАНОВСКИ, ФОЛТИН, ПАРКЕТИ, ЏЕНГИЗ ИБРАХИМ, BAD COPY...  

Дека ова е најмасовното издание на Д Фестивал, беше наговестено уште на т.н. нулти ден односно во четвртокот, на 11-ти јули кога традиционално се отвора фестивалскиот камп, а кој годинава блесна во полн сјај и капацитет и пред официјалниот старт на програмата. Огромниот интерес кој го предизвика Д Фестивал резултираше и со исполнетост на целосниот капацитет на сите бини и зони на фестивалот, кои ја донесоа најобемната програма досега, со шест музички бини и над 20 фестивалски зони. Само во музичката програма, Д ФЕСТИВАЛ беше домаќин на повеќе од 50 музички ѕвезди, но и на двојно повеќе уметници и перформасни кои пристигнаа со повеќе од 20 здруженија во ПлоштАрт зоната во срцето на фестивалскиот камп.

Ова лето, Д-Фестивал беше збогатен со уште една музичка бина – Smooth Stage, посветена на домашната музичка сцена, а Silent Disco исто така е нова фестивалска атракција. Неделата е збогатена и со новиот програмски концепт „FAMILY DAY“, со активности за најмладите во текот на денот.

На фестивалот се одржа извонредниот музичко-театарски перформанс ЦРНИЛА РЕМИКС, а беше изведена и претставата на театарската трупа на ARTOPIA, „Да го поздравиш и да ми го бациш“. Во фестивалскиот камп имаше и филмски проекции – беше прикажан “Исцелител” на Ѓорче Ставрески, а беше организиран и филмски опус посветен на култниот македонски режисер Кирил Ценевски

Програмата вклучуваше и бројни работилници, изложби, дебати и перформанси во ПлоштАрт, бесплатна дневна програма на Lake Awake бината, базар на уметнички дела и ракотворби, многу различни атрактивни фестивалски зони исполнети со забавни и спортски активности.

Музички времеплов
  • 1969 - UK No.1 Fleetwood Mac 'Albatross' (нивни едниствен брит.бр.1 сингл)
  • 1972 - Тројниот албум 'The Concert For Bangladesh' доаѓа на првото место на британската албумска листа. Проектот е организиран од George Harrison за помош на настраданите од војната и гладот во Бангладеш.
  • 1977 - USА No.1 Gwen Dickey 'Car Wash'
  • 1979 - 16-годишната Brenda Spencer убила двајца и ранила уште 9-мина, пукајќи од својот дом во влезот на основно училиште во Кливленд. КОга ја прашале зошто го сторила тоа, таа одговорила “I don't like Mondays (Не сакам понеделници)”. Според овој настан Boomtown Rats ја создаваат песната I don't like Mondays.
  • 1964 - Роден е Roddy Frame, гитарист, вокалист и текстописец во Aztec Camera. 'Somewhere In My Heart'
  • Повеќе
Фреквенции
Скопје