Антена 5 Вести

Halsey, Mabel, Ava Max со настапи на MTV EMA

Halsey, Ava Max, Mabel, Akon, Becky G и Rosalia се првите изведувачи најавени за MTV европските музички награди, глобалното музичко шоу кое ќе биде одржано на 3 ноември во Севиља, Шпанија.

Поп ѕвездата Halsey се враќа на наградите со 3 номинации – Најдобра соработка, Најдобар поп изведувач и Најдобар имиџ. Неодамна го издаде новиот сингл “Graveyard” од албумот “Manic” кој е предвиден за издавање кон средината на јануари 2020 година.

И шпанската ѕвезда Rosalia повторно ќе се појави на MTV европските музички награди, а годинава може да се пофали со 4 номинации – Најдобар спот, Најдобра соработка, Најдобар имиџ и Најдобар push изведувач.

Своето деби на наградите ќе го имаат Becky G, Ava Max и Mabel.

Becky G, која е и водител на MTV EMA, годинава го издаде својот прв албум “Mala Santa”. Во текот на настапот ќе ја придружува музичкиот ветеран Akon со кого ќе ја изведе “Como No”, нумера од неговиот прв албум отпеан на шпански јазик “El Negreeto“.

Според извештаите, новата музичка надеж Mabel ќе ја изведе “Don’t Call Me Up,” од нејзиниот деби студиски албум “High Expectations.”

Во деновите кои претстојат ќе бидат објавени нови изведувачи кои ќе настапат на за MTV европските музички награди.

22.10.2019
Музички времеплов
  • 1960 - Роден е Vince Clarke, клавијатурист во Depeche Mode, Yazoo и Erasure. I Love To Hate You
  • 1962 - Родена е Leslie Wundermann, попозната како Taylor Dayne. 'Tell It To My Heart'
  • 1969 - Членот на Rolling Stoneѕ, Brian Jones додека се капел во својот базен се удавил, зашто бил под дејство на дрога и алкохол.
  • 2002 - Сопругата на Ozzy Osbourne, Sharon Osbourne е подложена на итна операција, зашто и е откриен рак.
  • 2002 - Elton John добива почеснен докторат од Британската кралска музичка академија.
  • Повеќе
Фреквенции
Скопје