Антена 5 Вести

Објавени номинациите за Brit Awards 2020

Објавени се номинациите за Британските музички награди, а листата ја предводат шкотскиот кантавтор Lewis Capaldi и лондонскиот рапер Dave.

По 3 номинации и тоа во истите категории (Најдобар машки изведувач, најдобар нов изведувач, Најдобар сингл и Најдобар албум) добија Capaldi и Dave. Со по три номинации следуваат Stormzy и Mabel.

Британскиот рапер Dave веќе ја освои престижната британска Mercury награда за неговиот деби албум “Psychodrama”. Capaldi, пак, го имаше најпродаваниот албум на годината со деби изданието “Divinely Uninspired To A Hellish Extent“, благодарение на хит баладата “Someone You Loved”.

Од друга страна, шесткратниот Брит добитник Ed Sheeran годинава може да се пофали само со една номинација – неговата соработка со Justin Bieber “I Don’t Care” е номинирана за најдобар сингл. Неговиот албум “No. 6 Collaborations Project” беше еден од најуспешните албуми во Британија минатата година, продавајќи се во над 568.000 примероци, а на врвот на албумската листа помина пет недели, но тоа не беше доволно Sheeran да биде номиниран и во други категории.

Mabel е најноминираниот женски изведувач, а почеста ја добива точно 30 години откако нејзината мајка Neneh Cherry, родена во Шведска, освои две Брит награди (Најдобар интернационален изведувач и Најдобар нов интернационален изведувач).

Во интернационалните категории номинации добија Ariana Grande, Billie Eilish, Post Malone и Bruce Springsteen кој последен пат освоил Брит награда пред 34 години.

Британските музички награди ќе се одржат на 18 февруари во O2 Арената во Лондон. Водител на наградите, трета година по ред, е Jack Whitehall.

ЛИСТА СО НОМИНАЦИИ

Најдобар британски албум

  • Stormzy - Heavy Is The Head
  • Michael Kiwanuka - Kiwanuka
  • Lewis Capaldi - Divinely Uninspired To A Hellish Extent
  • Dave - Psychodrama
  • Harry Styles - Fine Line

 

Најдобар британски женски изведувач

  • Mabel
  • Freya Ridings
  • FKA Twigs
  • Charli XCX
  • Mahalia

 

Најдобар британски машки изведувач

  • Harry Styles
  • Lewis Capaldi
  • Dave
  • Michael Kiwanuka
  • Stormzy

 

Најдобра британска група

  • Coldplay
  • Foals
  • Bring Me The Horizon
  • D-Block Europe
  • Bastille

 

Најдобар британски нов изведувач

  • Aitch
  • Lewis Capaldi
  • Dave
  • Mabel
  • Sam Fender

 

Најдобра британска песна

  • Ed Sheeran & Justin Bieber - I Don't Care
  • Mabel - Don't Call Me Up
  • Calvin Harris ft Rag 'N' Bone Man - Giant
  • Dave ft Burna Boy - Location
  • Mark Ronson ft Miley Cyrus - Nothing Breaks Like A Heart
  • AJ Tracey - Ladbroke Grove
  • Lewis Capaldi - Someone You Loved
  • Tom Walker - Just You And I
  • Sam Smith ft Normani - Dancing With A Stranger
  • Stormzy - Vossi Bop

 

Најдобар интернационален женски изведувач

  • Ariana Grande
  • Billie Eilish
  • Camila Cabello
  • Lana Del Rey
  • Lizzo

 

Најдобар интернационален машки изведувач

  • Bruce Springsteen
  • Burna Boy
  • Tyler, The Creator
  • Dermot Kennedy
  • Post Malone

 

Ѕвезда во подем

  • Celeste - Winner
  • Joy Crookes
  • Beabadoobee
13.01.2020
Музички времеплов
  • 1967 - Роден е Andrew Vowles, однсоно Mushroom од Massive Attack. 'Unfinished Sympathy'
  • 1999 - Продуцентскиот тим од 80-те Stock, Aitken и Waterman оди на суд за меѓусебна борба за правата на песните што ги создале. Stock и Aitken тврдат дека Waterman им должи стотици илјади фунти како музичари и текстописци.
  • 1990 - USA No.1 Mariah Carey 'Love Takes Time'
  • 1990 - Vanilla Ice започнува 16-неделен престој на првото место на американската албумска листа со 'To The Extreme'. Ice Ice Baby
  • 2004 - Холанѓанец добива 9-месечна затворска казна зашто ја вознемирувал Melanie C, некогашна членка на Spice Girlѕ. Уапсен е зашто во 2001 година и испраќал заканувачки писма.
  • Повеќе
Фреквенции
Скопје