Антена 5 Вести

Liam Gallagher е првата Рок икона на MTV EMA

MTV ќе ја одликува мегаѕвездата Liam Gallagher со првата воопшто Рок икона награда во рамките на MTV европските награди, на 3 ноември во Севиља, Шпанија.

Рокерот, кој е и меѓу номинираните изведувачи, освен што ќе ја прими оваа награда, ќе изведе една хит нумера од времето со Oasis, како и нумера од неговиот последен албум “Why Me? Why Not”.

“Не постои сомневање дека дека Liam Gallagher е еден од најуспешните, навлијателни и харизматични рок изведувачи на денешницата. Богатата музичка историја која ја имаме со Liam, со неговиот поранешен бенд Oasis и како соло изведувач, не инспирираше да ја покренеме оваа награда. Нема сомнение дека тој остави белег на рок сцената и дека се уште создава песни кои продолжуваат да ги обликуваат генерациите кои стасуваат,“ се вели во соопштението на организаторите на MTV европските музички награди.

Gallagher, најхаризматичниот фронтмен на неговата генерација и гласот на култните Oasis, во 2017 се врати на сцената со неговиот бр.1 соло албум “As You Were”. Потоа, освои голем број на престижни награди на GQ Awards, NME Awards, Q Awards… Неодамна го издаде вториот соло албум “Why Me? Why Not” кој исто така ја осои британската албумска листа. Неговата светска турнеја е во ек, вклучувајќи два распродадени концерти во лондонската О2 Арена, во 2020 ќе замине на соло турнеја низ САД.

Претходно беше објавено дека на наградите ќе настапат Dua Lipa, NCT 127, Niall Horan, Halsey, Ava Max, Mabel, Akon, Becky G, Rosalia, Sofia Reyes.

Антена 5 како и секогаш ќе ја пренесува атмосферата од градот домаќин на наградите Севиља, придружните настани, црвениот тепих и од самото шоу.

30.10.2019
Музички времеплов
  • 1984 - Родена е канадската пејачка Avril Lavigne. На возраст од 17 години и 3 месеци станува најмладиот изведувач што се искачува на првото место на британската албумска листа. Тој успех го постигнува со албумот 'Let Go'.
  • 1990 - Името на Marvin Gaye е додадено на холивудската Патека на славните.
  • 1953 - Роден е Greg Ham од Men At Work (1983 UK & USА No.1 'Down Under').
  • 1986 - Lionel Richie започнува двонеделен престој на првото место на американската албумска листа со 'Dancing On The Ceiling'.
  • 1947 - Родена е пејачката и актерка Barbara Dickson (1985 UK No.1 со Elaine Paige - 'I Know Him So Well').
  • Повеќе
Фреквенции
Скопје