Настани

Brit Awards 2017

22.02.2017 20:00 - 22.02.2017 23:30

На 22 февруари 2017, во О2 Арената во Лондон, се одржа 37-тото издание на Британските музички награди.  Водители на манифестацијата беа Dermont O’Leary и Emma Willis.

Во текот на шоуто му беше оддадена почит на почината британска ѕвезда George Michael за кого говореа Andrew Ridgeley, неговиот музички партнер од дуото Wham, како и девојките со кои соработуваа - Shirley & Pepsi. Во чест на Michael, фронтменот на Coldplay, Chris Martin ja изведе “A Different Corner”.

Починатата британска музичка икона David Bowie, пак, постхумно освои две награди - Најдобар британски машки изведувач и Најдобар британски албум.

The 1975 ja изведоа “The Sound” и имаа интересен настап кој започна со текстови кои се појавуваа на екраните по што голем дел од публиката се прашуваше дали настапот е хакиран, за на крајот да се испостави дека всушност се работи за текстот од нумерата.

Настапот на британската грајм ѕвезда Skepta предизвика големи полемики бидејќи поради експлицитниот текст гледачите покрај малите екрани речиси воопшто не можеа да ја слушнат “Shutdown” поради големиот број “ бипови”.

Katy Perry ја изведе “Chained to the Rhythm”, а настапот го искористи за да ги искритикува лидерите на САД и Велика Британија со скелети облечени како Donald Trump и Theresa May, но целото внимание го украде еден од танчерите облечен како куќичка кој несрекно падна од сцената.

После едногодишно отстуство од сцената, Ed Sheeran ја почести публиката со двете нови нумери “Castle On The Hill” и “Shape of You”, придружен на сцената од  Stormzy.

Уште едно изненадување беше заедничкиот настап на Coldplay и Chainsmokers.

Наградата Британска икона му беше доделена на Robbie Williams во текот на посебно шоу кое се одржа во Трокси, Лондон, во ноември 2016. Шоуто беше затворено со негово медли.

Листа на наградени

Британски спот - ONE DIRECTION - 'HISTORY'

Британски нов изведувач - RAG'N'BONE MAN

британски женски изведувач - EMELI SANDÉ

британска група - THE 1975

британски машки изведувач - DAVID BOWIE

британски сингл - LITTLE MIX - 'SHOUT OUT TO MY EX'

глобален успех - ADELE

интернационален женски изведувач - BEYONCÉ

интернационална група - A TRIBE CALLED QUEST

интернационален машки изведувач - DRAKE

британски албум - DAVIE BOWIE - BLACKSTAR

британска икона – ROBBIE WILLIAMS

CRITIC’S CHOICE A – RAG’N’BONE MAN

Музички времеплов
  • 1950 - Роден е пејачот и актер Huey Lewis, предводник на Huey Lewis and the News. Евеги со американскиот бр1 'The Power Of Love').
  • 1999 - Eurythmics најавуваат нова светска турнеја по 10 години од која профитот ќе биде даден во добротворни цели.
  • 1954 - Elvis Presley за првпат е во студио за снимање. За време на паузата од чиста разонода ја пеел 'That's All Right'. Продуцентот Sam Phillips побарал да ја повтори изведбата и ја снимил. Тоа ќе стане прв сингл на Presley.
  • 1969 - Пред 250.000 обожаватели, Rolling Stones одржуваат бесплатен концерт во лондонскиот Hyde Park во чест на Brian Jones кој умрел два дена претходно.
  • 2002 - Dr Dre е прогласен за најбогата музичка ѕвезда со заработка од 62 милиони долари од сопствени авторски права и од својата издавачка компанија Aftermath.
  • Повеќе
Фреквенции
Скопје