Настани

Д фестивал 2019

12.07.2019 21:00 - 14.07.2019 23:59

Д ФЕСТИВАЛ, единствениот летен музички фестивал во земјава, се одржа од 12 до 14 јули 2019 во Дојран. На деветтото издание низ фестивалските порти поминаа околу 30.000 посетители кои пристигнаа од 15 земји, со што е постигнат и нов рекорд на Фестивалот.

Меѓу изведувачите кои настапија на досега најуспешното издание на фестивалот беа  КИРИЛ ЏАЈКОВСКИ  во придружба на Lion D  и TK WONDER,OFENBACH, NOISIA,TOM NOVY. MAHMUT ORHAN, NAPALM DEATH, HINDI ZAHRA, AKUA NARU, ВЛАТКО СТЕФАНОВСКИ, ФОЛТИН, ПАРКЕТИ, ЏЕНГИЗ ИБРАХИМ, BAD COPY...  

Дека ова е најмасовното издание на Д Фестивал, беше наговестено уште на т.н. нулти ден односно во четвртокот, на 11-ти јули кога традиционално се отвора фестивалскиот камп, а кој годинава блесна во полн сјај и капацитет и пред официјалниот старт на програмата. Огромниот интерес кој го предизвика Д Фестивал резултираше и со исполнетост на целосниот капацитет на сите бини и зони на фестивалот, кои ја донесоа најобемната програма досега, со шест музички бини и над 20 фестивалски зони. Само во музичката програма, Д ФЕСТИВАЛ беше домаќин на повеќе од 50 музички ѕвезди, но и на двојно повеќе уметници и перформасни кои пристигнаа со повеќе од 20 здруженија во ПлоштАрт зоната во срцето на фестивалскиот камп.

Ова лето, Д-Фестивал беше збогатен со уште една музичка бина – Smooth Stage, посветена на домашната музичка сцена, а Silent Disco исто така е нова фестивалска атракција. Неделата е збогатена и со новиот програмски концепт „FAMILY DAY“, со активности за најмладите во текот на денот.

На фестивалот се одржа извонредниот музичко-театарски перформанс ЦРНИЛА РЕМИКС, а беше изведена и претставата на театарската трупа на ARTOPIA, „Да го поздравиш и да ми го бациш“. Во фестивалскиот камп имаше и филмски проекции – беше прикажан “Исцелител” на Ѓорче Ставрески, а беше организиран и филмски опус посветен на култниот македонски режисер Кирил Ценевски

Програмата вклучуваше и бројни работилници, изложби, дебати и перформанси во ПлоштАрт, бесплатна дневна програма на Lake Awake бината, базар на уметнички дела и ракотворби, многу различни атрактивни фестивалски зони исполнети со забавни и спортски активности.

Музички времеплов
  • 1991 - Фондацијата Everly Brothers купува земјиште во родниот град на членовите на дуото со цел да изгради парк и музеј во нивна чест.
  • 1985 - Во 12:01 на Вембли стадионот Status Quo го отвораат спектаклот 'Live Aid', кој подразбира истовремени концерти во Лондон и Филаделфија. Настапува кремот на најголемите светски музички ѕвезди и овој светски настан собира 40 милиони фунти, кои одат во добротворни цели. Настанот го следат над 1,5 милијарда луѓе во 160 земји и станува најгледан ТВ пренос на сите времиња.
  • 1997 - Prodigy започнуваат 5-неделен престој на првото место на британската албумска листа со 'The Fat Of The Land'. Firestarter
  • 1942 - Роден е Roger McGuinn, гитарист и вокалист во Byrds. 'Mr. Tambourine Man'
  • 2002 - Fatboy Slim прави застој во реонот на Брајтон зашто организирал бесплатна забава на плажа. Самиот вложил сопствени 100.000 фунти за забавата зашто откажале спонзорите.
  • Повеќе
Фреквенции
Скопје