Антена 5 Вести

Познат победникот на Critic’s Choice

Објавен е победникот на Critic’s Choice наградата во рамките на Британските музички награди 2019. Тоа е Sam Fender.

Тој ја добива наградата во значаен момент за неговата кариера. Во последните месеци беше зафатен со турнеја низ Британија и Европа, полека градејќи ја својата армија на лојални фанови. Овој млад музичар со база во Њукасл неодамна го издаде и своето деби  EP, “Dead Boys”.

За Critic’s Choice наградата годинава беа номинирани уште Lewis Capaldi и Mahalia. Наградата им се доделува на талентирани музичари на кои им се предвидува успех во  годината која претстои, а во која треба да го издадат својот деби албум. За победникот гласа специјален експертски тим составен од музички уредници во поголемите британски весници, музичките и лајф списанија и музичките веб сајтови, како и главните луѓе од големите ТВ и радио станици.

Претходни добитници на Critic’s Choice наградата се Adele, Florence + The Machine, Emeli Sande, Sam Smith, Rag’n’Bone Man и Jorja Smith.

Номинациите за Британските музички награди 2019 ќе бидат објавени на 12 јануари, а новото издание на наградите ќе се одржи на 20 февруари во лондонската Арена.

28.12.2018
Музички времеплов
  • 2000 - како дел од ТВ шоу во Лондон, Eric Clapton за првпат по 29 години има настап со својот колега од Derek & the Dominos, Bobby Whitlock.
  • 1968 - Beatles одбиваат да настапат за англиската кралица на шоуто на фондацијата British Olympic Appeal, причина – не пеат на добротворни концерти.
  • 1918 - родена е Ella Fitzgerald, позната по т.н. скат пеење.
  • 1992 - USA No1 Kris Kross “Jump” 8 w.
  • 1987 - UK No1 Madonna”La Isla Bonita” 2 w.
  • Повеќе
Фреквенции
Скопје