Антена 5 Вести

Hugh Jackman ги отвара Brit Awards

Наградуваниот актер Hugh Jackman ќе ги отвори Британските музички награди со специјална изведба од глобалниот музички феномен “The Greatest Showman”. Неговиот настап ќе биде под креативната палка на режисерот на овој филмски хит Michael Gracey.

Hugh Jackman создаде успешна кариера на големиот екран и на сцената – од Бродвеј до филмскиот блокбастер “X Men” тој се докажа како еден од најразноврсните актери на своето време. Првата Оскар номинација ја доби за улогата во “Les Miserables”. Неодамна беше номиниран за Оскар за улогата во “The Greatest Showman”. Во мај Jackman заминува на светска турнеја со своето шоу The Man, The Music, The Show, вклучувајќи пет вечери во лондонската O2 Arena.

“The Greatest Showman” доживеа огромен успех во Британија. Неговиот саундтрак, компониран од Benj Pasek и Justin Paul беше најдобро продаваниот албум во Британија за 2018, со тираж од 1.7 милиони продадени примероци. Тој е вториот албум во 30 години да помине 11 недели на првото место на британската албумска листа.

Нумерата “This Is Me” од овој саундтрак освои Златен глобус за Најдобра оригинална песна од филм, a е номинирана и за Оскар. На Греми наградите саундтракот победи во категоријата Најдобар компилациски саундтрак за Визуелни медиуми.

Претходно беше објавено дека Британските музички награди ќе бидат затворени со настапот на Pink, како добитник на наградата за Особен придонес кон музиката. Меѓу другите изведувачи се Jess Glynne, 1975, George Ezra, Little Mix, Jorja Smith и Calvin Harris со – Dua Lipa, Sam Smith и Rag’n’Bone Man.

39-тото издание на Британските музички награди ќе се одржи на 20 февруари во O2 Арената во Лондон и ќе се емитува во живо на Антена 5 радио. Домаќин на манифестацијата е актерот и комичар Jack Whitehall.

15.02.2019
Музички времеплов
  • 1999 - Sinead O'Connor станува свештеник и го прифаќа името Мајка Bernadette Mary.
  • 1960 - започнува снимањето на филмот на Elvis Presley, “G.I. Blues”.
  • 1977 - започнува со работа легендарната њујоршка дискотека Studio 54
  • 1982 - сред бел ден во Лос Анџелес Rod Stewart е нападнат и ограбен.
  • 1986 - 5150, првиот албум на Van Halen снимен со Sammy Hagar, се искачува на врвот на американската албумска листа. Името на албумот е земено од њујоршки полициски код за криминал.
  • Повеќе
Фреквенции
Скопје