Антена 5 Вести

Lizzo и Dave со настапи на Brit Awards

Lizzo и Dave се приклучуваат кон листата изведувачи на Британските музички награди закажани за 18 февруари.

Трикратната Греми добитничка Lizzo ќе го има својот досега најгледан ТВ настап во Британија. Американската ѕвезда наедно е номинирана во категоријата Најдобар интернационален женски изведувач. Пролетта 2019 година Lizzo го издаде својот трет албум “Cus I Love You” на кој се најде “Truth Hurts”, хитот кој го изведе на своето деби на Гластонбери фестивалот минатото лето.

Британскиот рапер Dave во март 2019 година го издаде својот деби албум “Psychodrama” кој дебитираше на врвот на британската албумска листа, наедно поставувајќи рекорд за најстримуван албум во првата недела од издавањето. Албумот му добнесе одлични критики и 4 номинации за Британските музички награди: Песна на годината (за “Location” во соработка со Burna Boy), Албум на годината, Најдобар нов изведувач и Најдобар машки соло изведувач.

Претходно како изведувачи на Brit Awards се најавени Billie Eilish, Harry Styles, Lewis Capaldi, Mabel, Stormzy, Celeste.

Британските музички награди ќе се одржат на 18 февруари во лондонската O2 Aрена. Антена 5 радио ќе биде присутна во Лондон за наградите со своја екипа и подготвува, како и секогаш, специјална програма посветена на најзначајната ноќ во британскиот музички календар .

06.02.2020
Музички времеплов
  • 2001 - Еден од соновачите на групата 5th Dimension, Ron Townson, умира на 68 години поради откажување на работата на бубрезите. Во негова чест ова е хитот Aquarious.
  • 2000 - На 76 години умира Maurice Kinn, издавачот што го лансира магазинот New Musical Express и го поттикнал создавањето топ листа на база на продажба на сингловите.
  • 1966 - Родена е Shirley Manson, вокалистка во Garbage. 'Stupid Girl'.
  • 1971 - Paul McCartney објавува формирање на својата нова група Wings со сопругата Linda и со поранешниот член на Moody Blues, Denny Laine.
  • 1986 - Магазинот News Of The World објавува интервју со 16-годишната моделка Mandy Smith, која открива дека имала две ипол годишна афера со членот на Rolling Stoneѕ, Bill Wyman.
  • Повеќе
Фреквенции
Скопје